WHO: ھه‌فته‌ی رابردو 90 ھه‌زار كه‌س كۆرۆنا گیانیان له‌ده‌ستداوه‌

.

ڕێكخراوی ته‌ندروستی جیھانی ڕایده‌گه‌یه‌نێت، ئاماره‌كانی ڤایرۆسی كۆرۆنا له‌ لووتكه‌دان و ھه‌فته‌ی رابردو 90 ھه‌زار كه‌س به‌ھۆی ڤایرۆسه‌كه‌وه‌ گیانیان له‌ ده‌ستداوه‌.

تیدرۆس ئه‌دھانۆم به‌رێوه‌به‌ری گشتی ڕێكخراوی ته‌ندروستی جیھانی ڕایگه‌یاند: له‌ سه‌رانسه‌ری جیھاندا ئاماره‌كانی تووشبوون و گیان له‌ ده‌ستدان به‌ كۆرۆنا زیایكردووه‌ و گه‌یشتووه‌ته‌ لوتكه‌، به‌ جۆرێك پێشتر ھاوشێوه‌ی نه‌بووه‌ و ھه‌فته‌ی ڕابردوو پێنج ملیۆن و 400 ھه‌زار كه‌س تووشی كۆرۆنا بوون و نزیكه‌ی 90 ھه‌زار كه‌سیش گیانیان له‌ ده‌ستداوه‌.

ڕاشیگه‌یاند: له‌ وڵاتانی باشوری رۆژھه‌ڵاتی كیشوه‌ری ئاسیا، ئاماره‌كان له‌ به‌رزبوونه‌وه‌دان و جێگه‌ی نیگه‌رانین.

وتیشی: چاودێری ڕه‌وشی ھندستان ده‌كه‌ن، بۆ ده‌ستنیشانكردنی ئه‌و ڤایرۆسه‌ گۆڕاوه‌ی بڵاوبووه‌ته‌وه‌، چونكه‌ نیگه‌رانییه‌كی جیھانیی دروستكردووه‌.

PUKmedia ئاژانسه‌كان