كۆڕێك لەبارەی هاوپەیمانی كوردستانی نێوان یەكێتی و گۆڕان بەڕێوەدەچێت

.

لەچوارچێوەی چالاكییەكانی مەكتەبی راگەیاندنی یەكێتی نیشتیمانیی كوردستاندا ، ئێوارەی ئەمڕۆ 10ی 5ی 2021 لەمەكتەبی راگەیاندن كۆڕێك بەناونیشانی  (رێكەوتنی سیاسیی و ئاسۆی دیموكراسی و ئارامی كوردستان) بۆ تەلار لەتیف، لەتیف نێروەیی و ستران عەبدوڵا ئەندامانی مەكتەبی سەركردایەتی بەڕێوەچوو. سەرەتای كۆڕەكە بەوەستانی ساتێك بۆ گیانی پاكی شەهیدان دەستیپێكرد.

 دواتر هەریەك لە خاتوو تەلار لەتیف و لەتیف نێروەیی و ستران عەبدوڵڵا  بەووردی باسیان لەڕێككەوتن و پێكهێنانی هاوپەیمانی كوردستان لەنێوان یەكێتیی نیشتمانیی كوردستان و بزوتنەوەی گۆڕان كرد بۆ هەڵبژاردنی داهاتوی پەرلەمانی عیراق.

هەر لەكۆڕەكەدا گرنگی ئەم هاوپەیمانێتییەشیان بەشێوازێكی ڕوون و ئاشكرا باسكردو بەهەنگاوێكی گرنگیان وەسفكرد بۆ كایەی سیاسیی و دیموكراسیی و ئارامیی كوردستان.

دواتریش بە گفتوگۆیەكی هاوبەش و پرسیاری تایبەتمەند بە باسەكە لەلایەن ئامادەبووانەوە كۆتایی هات.

PUKmedia ڤینۆس تۆفیق