به‌رهه‌می كێڵگه‌ی نه‌وتی ئه‌تروش گه‌یشتووه‌ته‌ 42 هه‌زار به‌رمیلی رۆژانه‌

.

كۆمپانییا شاماران ئه‌نجامێن كارێ خۆ د چارێكا ئێكێ یا ئه‌ڤ ساڵه‌دا ل كێلگه‌ها نه‌فتا ئه‌ترووش ئاشكراكر و ڕاگه‌هاند، سه‌رجه‌مێ قازانجێ كۆمپانیێ‌ پشتی ژێده‌ركرنا مفای و باجێ گه‌هشتییه‌ 13 ملیون و 500 هزار دولاران، كو ب بڕاورد دگه‌ل هه‌مان ماوێ ساڵا 2020، قازانجێ كۆمپانیێ‌ دوو به‌رامبه‌ر بووییه‌.

كۆمپانییا شاماران د ڕاگه‌هاندنه‌كێدا ئاماژه‌ كرییه‌ وێ چه‌ندێ، نوكه‌ به‌رهه‌مئینانا نه‌فتێ‌ ل كێلگه‌ها ئه‌ترووش كو ب دووه‌م مه‌زنترین كێلگه‌هێن نه‌فتێ‌ لسه‌ر ئاستێ‌ هه‌رێما كوردستانێ دهێته‌ هژمارتن، گه‌هشتییه‌ 42 هزار به‌رمیلێن نه‌فتێ‌ د ڕۆژه‌كێدا.

كۆمپانیێ‌ دایه‌ زانین، ده‌ست ب جێبه‌جێكرنا هنده‌ك پڕۆژان كرییه‌ كو ل پێشی نوكه‌ ژئه‌گه‌رێ‌ سه‌رهه‌لدانا په‌ژیكا كۆرۆنا هاتبوونه‌ ڕاگرتن، و دهه‌مان راگه‌هاندنا خۆدا كۆمپانییا شاماران دووپاتكرییه‌ كو دئه‌ڤ ساڵه‌دا دێ ئاستێ‌ به‌رهه‌مئینانا نه‌فتێ‌ ل كێلگه‌ها ئه‌ترووش زێده‌كه‌ت، نه‌خاسم پشتی بهایێ‌ نه‌فتێ‌ دبازاڕێن جیهانیدا بلندبوویی و دیسان دێ هه‌وڵ ده‌ت خه‌رجیێن گشتی كێم بكه‌ت بۆ بده‌ستڤه‌ئینانا قازانجێن زێده‌تر.

PUKmedia به‌یار ئامێدی