پەرلەمانتارێک: پرسی چاکسازی لەهەرێم نوسینی سەر کاغەزە

.

پەرلەمانتار شنو عەشقی گوت، پرسسا چاکسازیێ ل هەرێمێ بتنێ نڤیسینا سەر کاخەزێ یە وحکومەت دشێت بێ لێبرین موچەیێ فەرمانبەرا دابەشبکەت. .

شنو ئەشقی، ئەنداما لژنا دەست پاکیێ ل پەرلەمانێ کوردستانێ ، داخویانیەکا تایبەت دا بو PUKmedia راگەهاند وگوت: ،بەردوام ئەم دیفجوون ، وپێداچوونا کارو وبریارێن حکومەتا هەرێما کوردستانێ دکەین ، ئەم ل پەرلەمانێ کوردستانێ گەهشتینە وێ باوەریێ کو حکومەتا هەرێمێ دشیانێت وێ دایە موچەیێ هەیڤانە یێ فەرمانبەرێن هەرێمێ، دەمێ خودا وبێ لێبرین بدەتە فەرمانبەران ، ژبەرکو پارێ ل بەر دەست وداهاتێ حکومەتا هەرێمێ زێدەبویە ، 

پەرلەمانتار شنو ئەشقی، ئەنداما پەرلەمانێ ل سەر فراکسیونا ئێکەتی نشتمانی راگەهاند ، بەریا نها حکومەتێ چەند بەهانەیەك هەبوون موچەیێ فەرمانبەران لێ دبری بەهانەێن حکومەتی ژێ بریتی بوون ژ ، نزمبونا بهایێ نەفتێ ،و کێمبونا داهاتێ خالێن سنوری ژ بەر کەرەنتینەیێ ، و مەزاختنێن ساخلەمی بو بەرهنگاربونا کرونایێ ، لێ نوکە حکومەتا هەرێمێ  چ بەهانە نەماینە کو موچەیێ فەرمانبەرا ببریت ، ژبەرکو دنهادا بهایێ نەفتێ گرانبویە،  و داهاتێ نافخو ژی زێدەبویە، هەروەسا  بهایێ دولاری ژی بلند بویە حکومەتا هەرێمێ وبەغدا گەهشتینە رێکەفتنێ ل سەر پروژێ یاسا بودجا گشتی ، واتە حکومەتێ هێج بەهانەیەك نەمایە کو موچەیێ فەرمانبەران لێ ببریت 

گوت ژێ ،مەوەك پەرلەمان یاداشت نامەیەك دایە سەروکاتیا پەرلەمانێ ب ئیمزایا ٤٢ پەرلەمانتارا کو حکومەت بهێتە گازیکرن بو پەرلەمانی وبەرسڤا پرسیاریت مە بدەت دەرباری ئەگەرێ بەردەوامیا برینا موچەیی فەرمانبەرێن هەرێمێ و پروژێ یاسا چاکسازیێ ،

 دەرباری پروژێ یاسا چاکسازیێ شنو ئەشقی،  ئەنداما لژنا دەست پاکیێ ل پەرلەمانێ کوردستانێ گوتی ژی ، پروژێ چاکسازیێ ل هەرێمێ بتنێ نڤیسینا سەر لاپەرێ کاخەزێ هەرچەند بەریا چەند مەهان ئەف پروژە هاتیە پەرلەمانێ وپەسەند بویە، و رێکەفتنا سیاسی ل سەر هاتیە کرن کو بچیتە دبیاڤێ جێبەجێکرنێ دا لێ هەتا نوکە بتنێ رینمابوینە ڤێ پروسسا چاکسازیێ چ دهات بو خەزینەیا گشتی نە ڤەگەراندینەڤە ، بتنی نڤیسینە بێ کریار ،ولدوماهیێ  شنو ئەشقی گوت ، ئەگەر بەردوام دمەهێن داهاتی دا موچەیێ فەرمانبەرێن هەرێمێ هاتە برین لدیف رێکارێن یاسایی ولگورێ پەیرەوێ نافخویێ پەرلەمانی ئەم دێ رێکارا گرینە بەر .

PUKmedia بەیار ئامێدی