ناوه‌ڕۆكی كۆبوونه‌وه‌ی هاوسه‌رۆكانی یه‌كێتی و سه‌رۆكی هه‌رێم

ناوه‌ڕۆكی كۆبوونه‌وه‌ی هاوسه‌رۆكانی یه‌كێتی و سه‌رۆكی هه‌رێم


4/5/2021 17:34:00
چاپ کردن
بە وێنەوە    بە بێ وێنە
           
.

ئه‌مڕۆ سێشه‌ممه‌ 4-5-2021، بافڵ تاڵه‌بانی و لاهور شێخ جه‌نگی هاوسه‌رۆكانی یه‌كێتیی نیشتیمانیی كوردستان له‌ ده‌باشان پێشوازییان كرد له‌ نێچیرڤان بارزانی سه‌رۆكی هه‌رێمی كوردستان و شێخ جه‌عفه‌ر شێخ مسته‌فا و مسته‌فا سه‌یدقادر جێگرانی سه‌رۆكی ھه‌رێم.

له‌ دیدارێكدا كه‌ ڕه‌فعه‌ت عه‌بدوڵڵا و ڕزگار عه‌لی ئه‌ندامانی ده‌سته‌ی كارگێڕی و ئه‌مین بابه‌ شێخ و د.میران محه‌مه‌د ئه‌ندامانی مه‌كته‌بی سیاسی ئاماده‌ی بوون، گفتوگۆ كرا ده‌رباره‌ی دوایین گۆڕانكاری و پێشهاته‌كان و دۆخی سیاسیی ئێستا و په‌یوه‌ندی نێوان لایه‌نه‌ سیاسییه‌كان و كێشه‌كانی نێوان هه‌رێم و به‌غدا و هه‌ڵبژاردنی پێشوه‌خته‌ی ئه‌نجوومه‌نی نوێنه‌رانی عیراق و پرسی نووسینه‌وه‌ی ده‌ستورێكی نوێ بۆ هه‌رێمی كوردستان.

له‌ دیداره‌كه‌دا جه‌ختكرایه‌وه‌ له‌سه‌ر به‌رده‌وامی گفتوگۆی هه‌مه‌لایه‌نه‌ و پێویستیی یه‌كڕیزی و ته‌بایی نێوان لایه‌نه‌كان و لێكتێگه‌یشتنی هاوبه‌ش و كاری پێكه‌وه‌یی له‌ پێناو درووستكردنی متمانه‌یه‌كی به‌هێز بۆ چاره‌سه‌ركردنی كێشه‌كان به‌ گه‌ڕانه‌وه‌ بۆ ئه‌و ڕێككه‌وتنه‌ ئیمزاكراوانه‌ی كه‌ له‌ نێوان لایه‌نه‌كان هه‌یه‌ به‌ تایبه‌ت له‌سه‌ر بابه‌ته‌ نیشتمانیی و ستراتیژییه‌كان له‌ پێناو پاراستنی به‌رژه‌وه‌ندییه‌ باڵاكانی گه‌له‌كه‌مان.

هاوكات جه‌ختكرایه‌وه‌ له‌سه‌ر درووستكردنی كه‌شێكی ئارام و وه‌لانانی كێشه‌ و ناكۆكییه‌ سیاسییه‌كان و دۆزینه‌وه‌ و دیاریكردنی چوارچێوه‌یه‌كی هاوبه‌ش كه‌ جێگه‌ی ڕه‌زامه‌ندی هه‌موو لایه‌نه‌كان بێت بۆ پاراستنی به‌رژه‌وه‌ندی و ده‌ستكه‌وته‌كان و به‌رگریكردن له‌ مافه‌كان.

له‌ دیداره‌كه‌دا هاوسه‌رۆكان سوپاسی نێچیرڤان بارزانی سه‌رۆكی هه‌رێمی كوردستانیان كرد بۆ ئه‌و ڕۆڵه‌ نیشتمانییه‌ی كه‌ ده‌یبینێت بۆ كۆكردنه‌وه‌ی لایه‌نه‌كان و لێكنزیككردنه‌وه‌ی بیروبۆچوونه‌ جیاوازه‌كان، هاوكات ڕووناكییان خسته‌ سه‌ر ئه‌و كێشه‌ و گرفتانه‌ی كه‌ بوونه‌ته‌ مایه‌ی قووڵكردنه‌وه‌ی ناكۆكییه‌كان. ڕوانینی یه‌كێتیی نیشتیمانیی كوردستانیان دووپاتكرده‌وه‌ بۆ یه‌كڕیزیی نێوان لایه‌نه‌كان و گه‌یشتن به‌ دیدی هاوبه‌ش بۆ زاڵبوون به‌سه‌ر ئاڵنگارییه‌كان و هه‌ر پڕۆژه‌ و بڕیارێك كه‌ خزمه‌ت به‌ به‌رژه‌وه‌ندییه‌ باڵاكانی كۆمه‌ڵانی خه‌ڵكی كوردستان بكات.

وه‌ك كوردیش به‌ پێویستیان زانی لێكتێگه‌یشتنی زیاتر له‌ نێوان لایه‌نه‌كان درووست بكرێت و به‌رژه‌وه‌ندیی گشتی زاڵ بكرێت له‌ پێناو داكۆكیكردنی زیاتر له‌ مافه‌ نه‌ته‌وه‌ییه‌كان و به‌ھێزی پێگه‌ی كورد له‌ به‌غدا به‌ تایبه‌ت له‌ ناوچه‌ كێشه‌له‌سه‌ره‌كان و نه‌فه‌وتانی ده‌نگی كورد.

لای خۆیه‌وه‌ سه‌رۆكی هه‌رێمی كوردستان پێزانینی خۆی نیشاندا بۆ هه‌ڵوێست و ڕوانینه‌ واقیعییه‌كانی هاوسه‌رۆكانی یه‌كێتیی نیشتیمانیی كوردستان بۆ چاره‌سه‌ركردنی كێشه‌كان و ئه‌نجامدانی كاری پێكه‌وه‌یی نێوان لایه‌نه‌كان.

PUKmedia 

وێنە هەواڵ
  • image04
  • ئەمڕۆ ڕۆژی جیهانی نەخۆشی تالاسیمایە

  • image04
  • سه‌رۆكی هه‌رێمی كوردستان سه‌ردانی هاوسه‌رۆكانی یه‌كێتی ده‌كات

  • image04
  • ئەمڕۆ رۆژی جیهانی كرێكارانە

  • image04
  • د.بەرهەم ساڵح سەرۆك كۆماری عیراق لەفڕۆكەخانەی هەولێر لەلاەین قواد تاڵەبانیەوە پێشوازی لێكرا

  • image04
  • قوباد تاڵه‌بانی پێشوازی له‌ وه‌زیری ده‌ره‌وه‌ی ئێران كرد

  • image04
  • قوباد تاڵه‌بانی و هاوسه‌ره‌كه‌ی ڤاكسینی كۆرۆنایان وه‌رگرت

  • image04
  • تاجە گوڵینەی وەفا لەسەر مۆنۆمێنتی ئەرمەنەكان دادەنرێت

  • image04
  • یادی 47 ساڵەی كارەساتی بۆمبارانكردنی قەڵادزێ دەكرێتەوە


                                           

دانیمارك.. تەرمی پێشمەرگەی دێرین حاجی رزگار بەخاك سپێردرا


ڕێوڕەسمی بەخاك سپاردنی پێشمەرگەی دێرین  حاجی ڕزگاری وەستا محمود رێكخرا.

    بە ئامادەبوونی جەماو...


  ناوه‌ندی فینلاند سه‌ردانی باڵیۆزخانه‌ی عیراق ده‌كات
  ژنە كوردێك لە فەڕەنسا كوژرا
                                           

چاوپێكه‌وتنێك له‌گه‌ڵ هونه‌رمه‌ند ئه‌حمه‌د زه‌هاوی


هونه‌رمه‌ند ئه‌حمه‌د زه‌هاوی: زۆربه‌ی په‌یكه‌ره‌كانی من ،له‌ فلكلۆر و  كلتوری كوردی سه‌رچاوه‌ ده‌گرن

هونه&...


  د.یاد نەقشبەندی:29 حاڵەتی توشبوی كۆرۆنا تەندروستیان زۆر ناجێگیرە
  چێشتخانه‌یه‌ك له‌هه‌ورامان خواردنێكی جیاواز پێشكه‌ش ده‌كات
                                           

هه‌ولێر.. خاوه‌ن زه‌وییه‌كانی حه‌سارۆك متمانه‌یان به‌ ئیداره‌ی شاره‌كه‌ نه‌ماوه‌

دوای چه‌ندین ناڕه‌زایی و گردبونه‌وه‌،‌ ئه‌مڕۆ ٢/٥/٢٠٢١جارێكی تر ژماره‌یه‌ك له‌خاوه‌ن زه‌وییه‌كانی هه‌شتی حه‌سارۆك چون...


  مه‌سیحیه‌كان باس له‌گرفته‌كانی به‌رده‌م هه‌ڵبژاردنی داهاتوو ده‌كه‌ن
  خۆشنووسی كوردستان لە ئاستی هونەری خۆشنووسی جیهاندایە


کاریکاتێر