پێشانگەی فۆتۆگرافیی (وۆرڵد پرێس فۆتۆ) دەهێنرێتە سلێمانی

.

سەرلەبەیانی ئەمڕۆ ٢٠٢١/٥/٣ ئاژانسی مێترۆگرافی بە سپۆنسەری دامەزراوەی ڤیم فاوەندەیشن ، بۆ دووهەم جار پێشانگەی فۆتۆگرافیی (وۆرڵد پرێس فۆتۆ)ی بۆ فۆتۆ سەركەوتووەكانی ئەو پێشبڕكێ جیهانییە لە شاری سلێمانی كردووە.

ئەحمەد نەجم بەڕێوەبەری ئاژانسی میترۆگرافی و یەكێك لە ئەندامانی لیژنەی دادوەری پێشبڕكێكە لە لێدوانێكی تایبەتدا بۆ PUKmedia وتی : ئەم پێشبڕكێیە ساڵانە بۆ هەڵبژاردنی باشترین فۆتۆكانی ساڵ و خەڵاتكردنی فۆتۆگرافەران لەسەرتاسەری جیهاندا بەڕێوەدەچێت و ئەمساڵیش ئێمە ئەو ١٤٥ فۆتۆیەمان پرنت كردۆتەوە كە باشترین فۆتۆکانی ساڵی ٢٠٢١ ن و لە میانی خولی شەست و چوارەمین پيشبڕکێی ساڵانەی  وۆرلد پرێس فۆتۆ هەڵبژێردراون و لە سلێمانی بۆ ماوەی ٣٠ ڕۆژ لە گەلەری میترۆگرافی نمایشیان دەكەین ، هیوادارین فۆتۆگرافەرانی كوردستان و عێراق بتوانن سود لەم ئەزموونە جیهانییە وەربگرن .

شایەنی باسە ئەم پێشانگەیە لە بەرواری ٣/٥/٢٠٢١ تا ٢/٦/٢٠٢١ کاتژمێر ٩:٠٠ی بەیانی بۆ ٥:٠٠ی پاش نیوەڕۆ لە گەلەری مێترۆگرافی بەردەوام دەبێت لە نمایشكردن.

PUKmedia ڤینۆس تۆفیق