سەرۆكی دەستەی گشتی رەوتی حیكمە كۆچی دوایی كرد

.

شێخ حەمید مەعلە سەرۆكی دەستەی گشتی رەوتی حیكمە، دوای توشبوونی بە ڤایرۆسی كۆرۆنا گیانی لە دەستدا.

میدیا عیراقییەكان بڵاویانكردەوە سەر لە بەیانی ئەمڕۆ 3-5-2021، شێخ حەمید مەعلە سەرۆكی دەستەی گشتی لە رەوتی حیكمە بەهۆی كاریگەرییەكانی پەتای كۆرۆنا گیانی لە دەستدا و سەرۆكی رەوتی حیكمەش رایدەگەیەنێت، كۆچكردوو یەكێك لە دیارترین سەركردەكانی ئەنجومەنی باڵای ئیسلامی بووە.

عەمار حەكیم سەرۆكی رەوتی حیكمە پرسەنامەیەكی بۆ كۆچی دوایی شێخ حەمید مەعلە بڵاوكردەوە و رایگەیاند: كۆچكردوو تەمەنێك ململانێی لە گەڵ دكتاتۆرییەت كرد و لە خزمەتكردنی گەل لە بوارەكانی جیهاد و سیاسەت و راگەیاندندا خەباتی كردووە.

راشیگەیاندووە: شێخ حەمید مەعلە لە گەنجییەوە تا بوون بە ئەندامی ئەنجومەنی نوێنەرانی عیراق و گەیشتن بە پلەی ئەندامی لە مەكتەبی سیاسی رەوتی حیكمە بەردەوام بووە لە خەبات كردن.

PUKmedia ئاژانسە عیراقییەكان