تەندروستی دهۆك: ئێستاش خەڵك باوەڕی بەكۆرۆنا نییە

.

دكتۆر ئەفراسیاب مووسا، رێڤەبەرێ گشتیێ ساخلەمیا پارێزگەها دهۆكێ راگەهاند، "ل پارێزگەها دهۆكێ پابەندبوونا هاوڵاتیان ب رێكارێن خۆپارێزیێ وەك پێدڤی یا باش نینە. ئەگەر ژی ئەوە كو هەتا نها هندەك خەڵك هەنە كو باوەڕی ب ڤایرۆسێ كۆرۆنایێ نینە، هندەك ژی هەنە كو باوەری ب رێكارێن خوپارێزیێ نینە."

گوت ژی: "رێژەیا وەرگرتنا ب ڤاكسینی ل دهۆكێ گەلەك باشە و نوكە 99٪ ـێ ئەو ڤاكسینێ بۆ دهۆكێ هاتیە دابین كرن هاتینە بكار ئینان. دیار كر ژی: هەتا نوكە 23 هزار ڤاكسین بۆ دهۆكێ هاتینە، كو 897 ـێ سینۆفارمە، چارر هزار و 300  فایزەرە و 17 هزار و 679 ـێ ئاسترازێنیكایە.

رێڤەبەرێ گشتی ساخلەمیا دهوكێ ئاشكرا ژی كر: هێشتا بەهرا ئاوارەیان ڤاكسین بۆ دهوكێ نەهاتیە كو نێزیكی ملیۆنێك ئاوارە هەنە، لەورا پێدڤیە دووجار هند ڤاكسین بۆ دهۆكێ بهێتە رەوانەكرن داكو ئو ژی ڤاكسینێ وەرگرن و هەتا نوكە 600 ئاوارەیان ڤاكسین وەرگرتیە."

د. ئەفراسیاب مووسا، گوت ژی: " ل پارێزگەها دهۆكێ رۆژانە ل 27 بنگەها چار هزار پشكنین بۆ دەستنیشانكرنا ڤایرۆسێ كۆرنایێ دكەن، كو ژ وێ  ژمارێ نێزیكی 500 تووشبوو دهێنە تۆمار كرن كو ژوانا ژی 10 كەس دهێنە نڤاندن د نەخۆشخانێ دا و 3-4 كەس ژی رەوانەی چاڤدێریا چڕ دكەن. نوكە 60 نەخۆش ل نەخۆشخانێ دا هەنە كو 35 ژوان ل بن چاڤدێریا چڕ دانە. لەورا نوكە ژمارەیا مرنێ ب ڤایرۆسی د رۆژەكێدا  گەهشتیە 4-5 كەسان."

هەتا نوكە ل هەرێما كوردستانێ 150 هزار و هەشت كەس تووشی ڤایرۆسێ كۆرۆنایێ بووینە، ژ وێ ژمارەیێ ژی 126 هزار و 508 كەس چارەسەر بووینە و چار هزار و 16 تووشبوو ژی گیانێ خوە ژدەست داینە.

PUKmedia بەیار ئامێدی