كۆمسیۆنی باڵای هه‌ڵبژاردنه‌كان: هه‌رێم 46 كورسی به‌رده‌كه‌وێت

.

كۆمیسیۆنی باڵای سه‌ربه‌خۆی هه‌ڵبژاردنه‌كان ڕایگه‌یاند: هه‌رێم 46 كورسی به‌رده‌كه‌وێت كه‌ دوو كورسیان بۆ برایانی مه‌سیحی ده‌بێت.

له‌ كۆنفرانسێكی ڕۆژنامه‌وانیدا كۆمسیۆنی باڵای سه‌ربه‌خۆی هه‌ڵبژاردنه‌كان له‌ هه‌ولێر ڕایگه‌یاند: هه‌ڵبژاردنی ئه‌مجاره‌ به‌شێوه‌ی بازنه‌یی ده‌بێت و هه‌رێم دابه‌شكراوه‌ به‌سه‌ر 12 بازنه‌دا، هه‌ولێر 4 بازنه‌، سلێمانی 5 بازنه‌ و دهۆك 3 بازنه‌.

ڕاشیگه‌یاند: له‌ هه‌ولێر 53 كه‌س و له‌ دهۆك 28 كه‌س و له‌ سلێمانی 65 كه‌س خۆیان بۆ هه‌ڵبژاردنه‌كان كاندید كردووه‌.

 هه‌ولێر 16 كورسی و سلێمانی 18 كورسی و دهۆك 12 كورسی كه‌ سه‌رجه‌میان ده‌كاته‌ 46 كورسی كه‌ له‌و ژماره‌یه‌ دووو كورسی بۆ برایانی مه‌سیحی ده‌بێت.

کاندیدەکان لە پارێزگاکانی هەرێم بەم شیوەیە:  

 پارێزگای هەولێر ٥٣ کاندید:

هەشت کاندیدی سەربەخۆ

٣٣ کاندیدی حزبی

١٢ کاندیدی هاوپەیمانی

١٠ کاندیدی هێزە مەسیحییەکان

پارێزگای سلێمانی ٦٥ کاندید:                                                 

١٧ کاندیدی سەربەخۆ

٣٣ کاندیدی حزبی

١٥ کاندیدی هاوپەیمانی

پارێزگای دهۆک ٢٨ کاندید:

هەشت کاندیدی سەربەخۆ

١٨ کاندیدی حزبی

دوو کاندیدی هاوپەیمانی

دوو کاندیدی هێزە مەسیحییەکان

هه‌ڵبژاردنه‌ په‌رله‌مانییه‌كه‌ی عیراق ڕۆژی 10-10-2021 به‌ڕێوه‌ده‌چێت.

PUKmedia