وه‌زیری په‌روه‌رده‌: هه‌وڵده‌ده‌ین له‌دوای جه‌ژن بگه‌ڕێنه‌وه‌ بۆ ناوه‌نده‌كانی خوێندن

.

وه‌زیری په‌روه‌رده‌ی حكومه‌تی هه‌رێمی كوردستان ڕایگه‌یاند: پرۆگرامی خوێندنی وه‌رزی یه‌كه‌م و دووه‌م پۆخت كراوه‌ و ئه‌مڕۆ یان سبه‌ی ڕاده‌گه‌یه‌نرێت و تاقیكردنه‌وه‌كانیش به‌هه‌مان جۆر ده‌بێت.

ئالان حه‌مه‌ سه‌عید وه‌زیری په‌روه‌رده‌ له‌ كۆنفرانسێكی ڕۆژنامه‌وانی له‌ شاری سلێمانی ڕایگه‌یاند: هه‌وڵده‌ده‌ین له‌ دوای جه‌ژن بگه‌ڕێنه‌وه‌ بۆ ناوه‌نده‌كانی خوێندن و پڕۆگرامی خوێندنی وه‌رزی یه‌كه‌م و دووه‌می پۆختكراوه‌ته‌وه‌ و شاره‌زایانی په‌روه‌رده‌ له‌دوای جه‌ژن به‌رنامه‌یه‌ك داده‌نێن و ئه‌ساسیات و موفرده‌داتی تازه‌ داده‌نێین بۆ ئه‌و وانانه‌ی كه‌ نه‌خوێندراون.

وتیشی: به‌رنامه‌مان هه‌یه‌ بۆ قه‌ره‌بووكردنه‌وه‌ی خوێندن به‌ پێی ئه‌و پلانانه‌ی داماناوه‌ و له‌ دوای جه‌ژن ده‌گه‌ڕێنه‌وه‌ بۆ ناوه‌نده‌كانی خوێندن ئه‌گه‌ر دۆخی ته‌ندروستی ڕێگه‌ بدات و بۆ هه‌مو سالێك ئه‌و وانانه‌ی له‌ده‌ستچوون له‌ چوارچێوه‌ی ستراتیژێك قه‌ره‌بوو ده‌كرێنه‌وه‌.

PUKmedia