داعش هێڵی گواستنەوەی كارەبای ئێران - عیراقی تەقاندەوە

.

ئەمشەو تیرۆرستانی داعش لەسنوری ناحیەی سەعدیەی لەدیالە پەلاماری هێزەكانی حەشدی شەعبیان داوەو هێڵی گواستنەوەی كارەبای نێوان ئێران - عیراقیان تەقاندەوە.

عەباس محەمەد چالاكوانی سیاسی بۆ PUKmedia ووتی: ئەمشەو ژمارەیەك تیرۆرستی داعش لەسنوری كۆباشی لەناحیەی سەعدیە پەلاماری هێزەكانی حەشدی شەعبیان داوە.

وتیشی: دواتر لە بورجەكانی گواستنەوەی كارەبای نێوان ئێران- عیراقیان داوەو تەقاندویانەتەوە.

ئاماژەی بەوەشدا: بەو هۆیەوە  ئەو هێڵی گواستنەوەی كارەبایە لەكار كەوتووە.

هەروەها لەناحیەی هبیب-ش داعش پەلاماری هێزەكانی پۆلیسی داوەو دوو پۆلیس برینداربوون.

PUKmedia تایبەت