هه‌ولێر.. له‌ رووداوێكی ته‌قه‌كردندا دوو كه‌س برینداربوون

.

له‌ رووداوێكی ته‌قه‌كردندا له‌ نزیك تاوه‌ری بازرگانی كواتر له‌سه‌ر شه‌قامی 40 مه‌تری هه‌ولێر دوو كه‌س برینداربوون.

هۆگر عه‌زیز وته‌بێژی پۆلیسی هه‌ولێر له‌ كۆنگره‌یه‌كی رۆژنامه‌نووسیدا رایگه‌یاند: ئه‌مڕۆ 1-5-2021، به‌هۆی كێشه‌یه‌كی كۆمه‌ڵایه‌تییه‌وه‌ له‌ نزیك تاوه‌ری بازرگانی كواتر له‌سه‌ر شه‌قامی 40 مه‌تری هه‌ولێر شه‌ڕه‌ ته‌قه‌ له‌ نێوان دوو كه‌سدا دروستبووه‌، كه‌ ئه‌و دوو كه‌سه‌ زاواو خه‌زورن و به‌و هۆیه‌شه‌وه‌ هه‌ردووكیان برینداربوون، كه‌ برینی یه‌كێك له‌ برینداره‌كان سه‌خته‌.

راشیگه‌یاند: له‌ ئێستادا پۆلیس لێكۆڵینه‌وه‌ی له‌ رووداوه‌كه‌ ده‌ستپێكردووه‌.

PUKmedia تایبه‌ت