دھۆك: ئازوقه‌ بو كرێكاران دابین ده‌كرێت

.

دچوارچووڤێ به‌رنامێ پارێزگارێ دهۆكێ بۆ مه‌ها ره‌مه‌زانا پیرۆز ئه‌ڤرۆ رۆژا شه‌مبی رێكه‌فتی 1-5-2021، ب چاڤدێریا عه‌لی ته‌ته‌ر” پارێزگارێ دهۆكێ هه‌وه‌كا هاریكاریێن ئازوقه‌یی بو ته‌خا كرێكاران درۆژا جیهانیا كرێكاران و ٩ كۆمه‌لیێن خۆدان پێدڤیێن تایبه‌ت ل سنۆرێ هه‌می ده‌ڤه‌رداریێن پارێزگه‌ها دهۆكێ هاته‌ راگه‌هاندن.

هاریكاریێن ئازوقه‌یی ئه‌ڤرۆ ل ده‌مژمێر ١٠ی سپێدێ ل باره‌گایێ كۆمه‌لا كۆرته‌بالایێن كوردستانێ-لقێ دهۆك ده‌ستپێكر كو ژ ١٥٠٠ به‌هرێن خارنێ پێكهاتبوو و ٧٥٠ خێزانێن ئه‌ندامێن ٩ كۆمه‌له‌ و ئێكه‌تیێن خۆدان پێدڤیێن تایبه‌ت ل پارێزگه‌ها دهۆكێ دێ مفاداربن.

هه‌ر ئه‌ڤرۆ ده‌مژمێر ١١ی سپێدێ بهه‌لكه‌فتا رۆژا جیهانیا كرێكاران ب به‌رهه‌ڤبوونا ئێكه‌تیا سه‌ندیكایێن كرێكاران ل پارێزگه‌ها دهۆكێ و رێڤه‌به‌ریا به‌رهه‌نگاربوونا قه‌یرانان هاریكاریێن پارێزگارێ دهۆكێ گه‌هاندنه‌ مه‌یدانكا كارێ كرێكاران ل سه‌نته‌رێ باژێرێ دهۆكێ و چه‌ند كارگه‌هـ و جهێن كاری یێن كرێكارێن ئافره‌ت و زه‌لام لێ كاردكه‌ن و دهه‌وا ئه‌ڤرۆ دا ٦٠٠ كرێكار ژڤان هاریكاریان دمفاداربوون.

PUKmedia ئانێ دیدار