بایدن بڕیارێكی تری تره‌مپ ھه‌ڵده‌وه‌شێنێته‌وه‌

.

جۆو بایدن سه‌رۆكی ئه‌مریكا، چه‌ند ڕێككه‌وتنێكی تایبه‌ت به‌ دروستكردنی دیوار له‌سه‌ر سنووری هاوبه‌شی نێوان وڵاته‌كه‌ی و مه‌كسیك، هه‌ڵده‌وه‌شێنێته‌وه‌.

وه‌زاره‌تی به‌رگریی ئه‌مریكا ڕایگه‌یاند، ڕێوشوێنه‌كانی تایبه‌ت به‌ هه‌ڵوه‌شاندنه‌وه‌ی پڕۆژه‌كانی تایبه‌ت به‌ دروستكردنی دیوار له‌سه‌ر سنووری هاوبه‌شی نێوان ئه‌مریكا و مه‌كسیك، ده‌ستیپێكردووه‌.

پاش ده‌ستبه‌كاربوونی وه‌ك سه‌رۆكی ئه‌مریكا، جۆو بایدن كاركردنی به‌ پڕۆژه‌ی دروستكردنی دیوار له‌سه‌ر سنووری هاوبه‌شی نێوان ئه‌مریكا و مه‌كسیكی ڕاگرت، كه‌ پێشتر له‌ سه‌رده‌می ئیداره‌ی دۆناڵد تره‌مپ پڕۆژه‌كه‌ په‌سه‌ندكراو خرایه‌ بواری جێبه‌جێكردنه‌وه‌.

هه‌رچه‌نده‌ ئیداره‌ی جۆو بایدن پڕۆژه‌ی دروستكردنی دیواری له‌سه‌ر سنووری هاوبه‌شی نێوان ئه‌مریكا و مه‌كسیك ڕاگرتووه‌. جه‌ختیشیكردووه‌ته‌وه‌، به‌ شێوه‌یه‌كی جددی مامه‌ڵه‌ له‌گه‌ڵ پرسی كۆچبه‌ران ده‌كات.

PUKmedia ئاژانسه‌كان