خورماتوو .. مەڵبەندی یەكێتیی بەدواداچوون بۆ پڕۆژەكان دەكات

.

وەفدێكی مەڵبەندی حەمرینی یەكێتیی نیشتمانیی كوردستان ئیدارەی پارێزگای سڵاحەدین بەسەر دەكاتەوەو لەكێشەو گرفتەكان و پڕۆژەكانی قەزای خورماتوو  دەكۆڵنەوە.

 لەوبارەیەوە بەشی راگەیاندنی مەڵبەندی حەمرینی یەكێتیی نیشتمانیی كوردستان زانیاری زیاتریان بۆ PUKmedia خستەڕوو، رایانگەیاند: وەفدێكی مەڵبەندی حەمرینی" ی.ن.ك" بەسەرۆكایەتی مەلا كەریم شوكر لێپرسراوی مەڵبەند  بەمەبەستی بەدواداچوون بۆ كێشەو گرفتەكانی سنوری خورماتوو سەردانی پارێزگای سڵاحەدینیان كرد.

رونیشكراوەتەوە:" سەردانی هەر یەك لە عەمار جەبر پارێزگاری پارێزگای سەڵاحەدین و دكتۆر عومەر جێگری بەڕێوبەری گشتی تەندروستیان كرد و  ئامانج لە سەردانەكە بەدواداچونە لە تەواو نەكردن و ڕاگرتنی هەندێك لە پرۆژەكانی خورماتوو بە تایبەت پڕۆژەی قیرتاوكردنی جوت سایدی گەڕەكی كۆماری قەزاكە.

PUKmedia عەدالەت میعاد – خورماتوو