riklam

ژنه‌ چالاكوانێك: جیابوونه‌وه‌ چاره‌سه‌ره‌ نه‌ك كێشه‌

ژنان‌ 07:44 PM - 2021-04-27
.

.

له‌ماوه‌ی مانگی ئازاری ئه‌مساڵدا له‌دادگاكانی عیراق زیاتر له‌ 6000 هه‌زار حاڵه‌تی جیابوونه‌وه‌ تۆماركراون، هاوكاتیش ژنه‌ چالاكوانێك جه‌ختده‌كاته‌وه‌ كه‌ دۆخی خراپی ئابووری گرنگترین هۆكارن بۆ لاوازبوون و فشه‌ڵبوونی خێزانه‌كان.

به‌گوێره‌ی ئامارێكیش كه‌ پێگه‌ی ئه‌نجومه‌نی باڵای دادوه‌ری ئه‌مڕۆ سێشه‌ممه‌ 27ی نیسانی 2021 بڵاویكردۆته‌وه‌، له‌ماوه‌ی مانگی ئازاری 2021دا له‌سه‌رجه‌م دادگاكانی عیراقدا 6هه‌زارو 603 حاڵه‌تی جیابوونه‌وه‌ تۆماركراون، روونیشی كردۆته‌وه‌ كه‌ له‌كۆی هه‌موو ئه‌م حاڵه‌تانه‌، 4000 حاڵه‌تیان له‌ده‌ره‌وه‌ی دادگا بووه‌و پاشتر له‌لایه‌ن دادگاوه‌ بڕیاری له‌باره‌وه‌ دراوه‌.

ئاڵا كه‌مال، چالاكوانێكی بواری ژنان، له‌مباره‌یه‌وه‌، ئه‌مڕۆ سێشه‌ممه‌ له‌میانی لێدوانێكی تایبه‌ت له‌گه‌ڵ PUKmedia رایگه‌یاند: له‌عیراق به‌گشتی و له‌كوردستان به‌تایبه‌تی به‌رزبوونه‌وه‌ی حاڵه‌ته‌كانی جیابوونه‌وه‌ له‌حاڵه‌ته‌وه‌ بۆته‌ دیارده‌و روونیشی ده‌كاته‌وه‌ حاڵه‌ته‌كانی جیابوونه‌وه‌ به‌شێوه‌یه‌ك به‌رزبۆته‌وه‌ حاڵه‌تی تێپه‌ڕاندووه‌و بۆته‌ دیارده‌.

ئاڵا كه‌مال راشیگه‌یاند: سه‌رجه‌م رێكخراوه‌كان و چالاكوانانی بواری ژنان به‌شێوه‌یه‌كی دروست مامه‌ڵه‌ له‌گه‌ڵ حاڵه‌ته‌كانی جیابوونه‌وه‌ ده‌كه‌ن و ئه‌وان دروستكه‌ری كێشه‌كه‌ نین، به‌ڵكو ده‌یانه‌وێت كێشه‌كه‌ چاره‌سه‌ر بكه‌ن، ئاماژه‌شیدا به‌گرنگترین ئه‌و هۆكارانه‌ دا كه‌ وایكردووه‌ خێزانی عیراقی فشه‌ڵ و بێهێز ده‌ربچێت و هۆكاریش بن بۆ حاڵه‌ته‌كانی جیابوونه‌وه‌، كه‌ خۆی ده‌بینێته‌وه‌ له‌ئاژاوه‌ی نێو خێزان و په‌یوه‌ندی خراپی نێوان ژن و مێرد، و داڕمانی دۆخی ئابووری.

ئاڵا كه‌مال هه‌روه‌ها ئاماژه‌شیدا به‌گرنگترین ئه‌و هۆكارانه‌ كه‌ وایكردووه‌ حاڵه‌ته‌كانی جیابوونه‌وه‌ به‌رزبێته‌وه‌، له‌وانه‌، وه‌ڵامنه‌دانه‌وه‌ی  یاسا بۆ حاڵه‌ته‌كانی جیابوونه‌وه‌و گرنگینه‌دان به‌خێزانه‌كان له‌دوای جیابوونه‌وه‌یان، سه‌ره‌ڕای هۆكاره‌ سیاسییه‌كان و نه‌ریت و كه‌لتووره‌ كۆمه‌ڵایه‌تییه‌كان، جگه‌له‌وه‌ هۆكاره‌ ئاینییه‌كان وایكردووه‌ په‌یوه‌ندی نێوان ژن و مێرده‌كان به‌رده‌وام نه‌بێت.

وتیشی: پێویسته‌ له‌سه‌ر حكومه‌ت له‌پێناوی كه‌مكردنه‌وه‌ی حاڵه‌ته‌كانی جیابوونه‌وه‌، كار بكات بۆ چاككردنی دۆخی ئابووری هاووڵاتیان و مووچه‌و ژیانێكی شایسته‌یان بۆ ده‌سته‌به‌ر بكات، هه‌روه‌ها حكومه‌ت كار به‌ یاساكانی پاراستنی خێزان و مناڵان و ژنان بكات و جێبه‌جێیان بكات و ئه‌و یاسایانه‌ش هه‌موار بكاته‌وه‌.  

PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket