مه‌ڵبه‌ندی خانه‌قین: وه‌سفیه‌ به‌نی وه‌یس ناوێكی دره‌وشاوه‌ی نێو كۆڕی خه‌بات و تێكۆشانی گه‌له‌كه‌مان

.

بۆ ساڵیادی كۆچی دوایی خاتوو (وه‌سفیه‌ به‌نی وه‌یس)، مه‌ڵبه‌ندی ٨ی خانه‌قینی یه‌كێتیی نیشتمانیی كوردستان، بروسكه‌یه‌كی ماته‌مینی ئاڕاسته‌ی كه‌سوكارو بنه‌ماڵه‌ی وه‌سفیه‌ به‌نی وه‌یس كردووه‌، كه‌ ئه‌مه‌ ده‌قه‌كه‌یه‌تی:

بروسكه‌ی ماته‌مینی مه‌ڵبه‌ندی خانه‌قین بۆساڵیادی كۆچی دوایی وه‌سفیه‌ به‌نی وه‌یس

بروسكه‌ی ماته‌مینی

به‌بۆنه‌ی ساڵیادی كۆچی دوایی پێشمه‌رگه‌ی دێرین و هه‌ڤاڵی سه‌ركرده‌ی تێكۆشه‌رو دایكی شه‌هیدان

(مامۆستا وه‌سفیه‌ به‌نی وه‌یس)ی نه‌مر، وێرایی ده‌ربڕینی هاوخه‌میمان ، پرسه‌و سه‌ره‌خۆشی له‌خۆمان و كه‌سوكارو بنه‌ماڵه‌و خانه‌واده‌ سه‌ربه‌رزه‌كه‌یان ده‌كه‌ین، وه‌كو ئاشكرایه‌ له‌لای هه‌موان هه‌ڤاڵی تێكۆشه‌ر (مامۆستا وه‌سفیه‌ )، له‌مێژووی گه‌له‌كه‌ماندا  ژنێكی ماندونه‌ناس، ڕاستگۆو هه‌قبێژ ، ناوێكی دره‌وشاوه‌ی گه‌لێك گه‌وره‌و پایه‌به‌رز له‌نێو كۆڕی خه‌بات و  تێكۆشاندا، كه‌به‌بێ دابڕان هه‌رده‌م له‌سه‌نگه‌ری به‌رگری و به‌رخۆداندا به‌رده‌وام بووه‌، سه‌ركرده‌و كه‌سایه‌تییه‌كی شایسته‌و پڕ له‌مه‌ردایه‌تی و كۆمه‌ڵایه‌تی و  واقیعبینانه‌و خۆنه‌ویست، هه‌ڵسوكه‌وتی زۆر ساده‌و خاكی له‌گه‌ڵ خه‌ڵكداو هه‌رده‌م په‌رۆشی خزمه‌تكردنی خه‌ڵك بوو ، به‌تایبه‌تی خزمه‌تكردنی كه‌سوكاری سه‌ربه‌رزی شه‌هیدان و هه‌ژاران ، مه‌خابن هێشتا زوو  بوو كه‌ئه‌م كه‌ڵه‌ ژنه‌ی گه‌له‌كه‌مان  به‌جێمانی هێشت و  كه‌لێنێكی گه‌وره‌ی خسته‌ نێو ڕیزه‌كانی یه‌كێتی و هه‌ڤاڵانمانه‌وه‌، به‌م بۆنه‌ خه‌مناكه‌وه‌  دووباره‌ هاوخه‌می خۆمان ده‌رده‌بڕین ، هه‌زاران سڵاو له‌روحی پاكی مامۆستا وه‌سفیه‌  نه‌مر ، به‌ڵێن دوپات ده‌كه‌ینه‌وه‌ كه‌وا درێژه‌ پێده‌ری ڕێبازه‌ پیرۆزه‌كه‌ی سه‌رۆك مام جه‌لال و پێشمه‌رگه‌و سه‌ركرده‌و تێكۆشه‌ری دێرین(مامۆستا وه‌سفیه‌ به‌نی وه‌یس)و سه‌رجه‌م شه‌هیدانی گه‌له‌كه‌مان بین.

له‌گه‌ڵ ڕێزدا.

مه‌ڵبه‌ندی ٨ی خانه‌قینی یه‌كێتیی نیشتمانیی كوردستان

PUKmedia