بافڵ تاڵه‌بانی: ئاماده‌ی ھه‌موو هاوكارییه‌كین بۆ برینداره‌كانی به‌غدا

.

بافڵ تاڵه‌بانی هاوسه‌رۆكی یه‌كێتیی نیشتمانیی كوردستان له‌باره‌ی روداوی ئاگركه‌وتنه‌وه‌كه‌ی نه‌خۆشخانه‌ی ئیبن خه‌تیب له‌ به‌غدا په‌یامێكی بڵاوكرده‌وه‌ و رایگه‌یاند: سه‌رۆكایه‌تی یه‌كێتیی نیشتمانیی كوردستان ئاماده‌ی ھه‌موو پشتیوانی و ھاوكارییه‌كه‌ و سه‌رجه‌م توانا ته‌ندروستییه‌كانی ھه‌رێمی كوردستان له‌خزمه‌ت برینداره‌كاندایه‌ و ھه‌ر ھاوكارییه‌كی تریش كه‌ پێویست بێت، ئه‌مه‌ش ده‌قی په‌یامه‌كه‌یه‌:

 به‌دڵته‌نگی و خه‌مێكی قووڵه‌وه‌ هه‌واڵی رووداوی ئاگركه‌وتنه‌وه‌كه‌ی نه‌خۆشخانه‌ی ئیبن خه‌تیبی به‌غدادم بیست.

بۆ ئه‌م رووداوه‌ دڵته‌زێنه‌ خۆم به‌ هاوبه‌شی خه‌م و په‌ژاره‌ی گه‌لی عیراق و خانه‌واده‌ی قوربانییه‌كانی رووداوه‌كه‌ ده‌زانم و پرسه‌ و سه‌ره‌خۆشی خۆمان راده‌گه‌یه‌نین و ھیوای زوو چاكبوونه‌وه‌ش بۆ برینداره‌كان ده‌خوازم.

سه‌رۆكایه‌تیی یه‌كێتیی نیشتمانیی كوردستان ئاماده‌ی ھه‌موو پشتیوانی و هاوكارییه‌كه‌، سه‌رجه‌م توانا ته‌ندروستییه‌كانی هه‌رێمی كوردستان له‌خزمه‌ت برینداره‌كاندایه‌ و هه‌ر هاوكارییه‌كی تریش كه‌ پێویست بێت.

رۆحی قوربانییه‌كان شاد بێت و هیوانی سه‌لامه‌تی و ژیانێكی ئارام بۆ هه‌موولایه‌ك.

بافڵ تاڵه‌بانی
هاوسه‌رۆكی یه‌كێتیی نیشتمانیی كوردستان

PUKmedia