لاهور شێخ جه‌نگی هاوخه‌می بۆ قوربانیانی نه‌خۆشخانه‌كه‌ی به‌غدا ده‌رده‌بڕێت

.

په‌پامێكدا  لاهور شێخ جه‌نگی هاوسه‌رۆكی یه‌كێتیی نیشتمانیی كوردستان وێڕای هاوخه‌می خۆی بۆ قوربانیانی ڕووداوه‌كه‌ی نه‌خۆشخانه‌ی ئیبن خه‌تیبی به‌غدا، هیوای چاكبوونه‌وه‌ بۆ برینداره‌كان ده‌خوازێت.

ئه‌مه‌ش ده‌قی په‌یامه‌كه‌:

خه‌مبار و نیگه‌ران بووین به‌ بیستنی ڕووداوی نه‌خوازراوی ئاگركه‌وتنه‌وه‌كه‌ی نه‌خۆشخانه‌ی ئیبن خه‌تیبی شاری به‌غدا، پرسه‌ و سه‌ره‌خۆشی و هاوخه‌میی قووڵی خۆمان ئاڕاسته‌ی كه‌سوكاری قوربانییه‌كانی ئه‌و ڕووداوه‌ ده‌كه‌ین و هیوای زوو چاكبوونه‌وه‌ش بۆ برینداره‌كان ده‌خوازین، وه‌ك یه‌كێتیی نیشتیمانیی كوردستان ئاماده‌ی هه‌موو هاوكارییه‌كین بۆ دابینكردنی پێداویستیی پزیشكی و یارمه‌تیدانی برینداره‌كان و چاره‌سه‌كردن و چاودێریكردنیان له‌ نه‌خۆشخانه‌كانی شاری سلێمانی.

لاهور شێخ جه‌نگی

هاوسه‌رۆكی یه‌كێتیی نیشتیمانیی كوردستان

PUKmedia