بافڵ تاڵەبانی: ناكرێت بەناوی بەهای نیشتمانیەوە كاری رۆژنامەنوسی سنوودار بكرێت
ی.ن.ک 10:02 AM - 2021-04-22.
هاوسەرۆكی یەكێتی لەیادی رۆژنامەگەری كوریدا رایگەیاند: یەكێتیی هەمیشە پاڵپشت و پشتیوانی رۆژنامەنوسانەو رۆڵێكی گرنگی بینیوە لەفراوانكردنی پانتایی ئازادی رادەربڕین، دەشڵێت:ناكرێت چیتر بەناوی یاساوە سنوورەكانی كاركردن بەرتەسكبكرێتەوەو ئازادییەكان زەوت بكرێن و بەناوی بەها نیشتمانییەكانەوە كاری رۆژنامەنووسی سنووردار بكرێت و پێویستە رۆژنامەنوسان بوێربن لەنیشاندانی راستییەكان و گەیاندنی زانیارییەكان و چاودێری وردبن بەسەر دەسەڵاتەكانەوەو رۆڵی كاریگەرتر ببینن لە پێشخستنی پرۆسەی دیموكراسی و رووبەرووبوونەوەی گەندەڵی.
لەیادی ١٢٣ ساڵەی رۆژنامەگەری كوردیدا گەرمترین پیرۆزبایی لە رۆژنامەنووسان و میدیاكارانی كوردستان دەكەم.
لەم رۆژەدا لەحزووری خاوەن قەڵەمە پڕ گەوهەرو بوێرەكانی وەك میقداد مەدحەت بەدرخان، پیرەمێرد، حسێن حوزنی موكریانی، عەبدولرەحمان زەبیحی و ئیبراهیم ئەحمەد بەڕێزەوە رادەمێنین و یادو یادەوەرییان دەكەینە سەرمەشقی شكاندنی بەربەستەكانی بەردەم ئازادی و ئازادی رادەربڕین و رەخنەلەخۆگرتن.
رۆژنامەگەری پیشەیەكی باڵایەو ناكرێت چیتر بەناوی یاساوە سنوورەكانی كاركردن بەرتەسكبكرێتەوەو ئازادییەكان زەوت بكرێن و بەناوی بەها نیشتمانییەكانەوە كاری رۆژنامەنووسی سنووردار بكرێت.
پێویستە رۆژنامەنووسان ئازاو بوێر بن لە نیشاندانی راستییەكان و گەیاندنی زانیارییەكان. چاودێرێكی وردبن بەسەر دەسەڵاتەكانی یاسادانان، جێبەجێكردن و دادوەرییەوە و رۆڵی كاریگەرتر ببینن لە پێشخستنی پرۆسەی دیموكراسی و رووبەرووبوونەوەی گەندەڵی.
ئێمە بەڕێزەوە پێشوازی لە رەخنەكان دەكەین و بەبایەخەوە لەهەر هەوڵێك دەڕوانین بۆ خستنەڕووی كێشەكان و ئەنجامدانی چاكسازی، بەڵام بەداخەوە هەندێك لە میدیاكان ئەركی پیشەیی خۆیان لەبیركردووەو دوور لە هەموو پرەنسیپ و بەهایەك هێرشی ناڕەوا دەكەن و تۆمەت دەبەخشنەوە، كەسایەتییەكان دەكەنە ئامانج و سنووری ئازادییە كەسییەكان دەبەزێنن. ئەو میدیا ئاڕاستەكراوانە رۆڵێكی خراپ دەگێڕن لە دروستكردنی بارگرژی سیاسی و لێكترازانی كۆمەڵایەتی. ئەمەش بەهیچ شێوەیەك لەگەڵ بنەماكانی كاری رۆژنامەگەریدا یەكناگرێتەوە و دوورە لە هەموو پیشەییبوونێك.
دەمەوێت دووپاتی بكەمەوە كە یەكێتیی نیشتمانیی كوردستان هەمیشە پاڵپشت و پشتیوانی رۆژنامەنووسانەو رۆڵێكی گرنگی بینیووە لە فراوانكردنی پانتایی ئازادی رادەربڕین. ئەركی رۆژنامەنووسانیشە پیشەییانەو بەرپرسیارانە مامەڵە لەگەڵ پرس و رووداوەكان بكەن و كاری رۆژنامەگەری تێكەڵی رقی كەسیی و حزبی نەكەن و هەڵگری قەڵەمێكی راستگۆ و بوێر بن
بافڵ تاڵەبانی
هاوسەرۆكی یەكێتیی نیشتمانیی كوردستان
PUKmedia
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26