مەسرور بارزانی پەیوەندی بەكۆسرەت رەسوڵەوە دەكات

.

كۆسرەت رەسول عەلی سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان پەیوەندییەكی تەلەفۆنی لە مەسرور بارزانی سەرۆكی حكومەتی هەرێمی كوردستانەوە پێگەیشت.

پەیوەندییە تەلەفۆنییەكەی مەسرور بارزانی بۆ كۆسرەت رەسول عەلی بەمەبەستی پرسینی هەواڵی تەندروستی و خۆشحاڵی دەربڕین بوو بە گەڕانەوەی.

سەرۆكی حكومەتی هەرێم خۆشحاڵی خۆی بەگەڕانەوەی كۆسرەت رەسول دەربڕی و هیوای لەشساغی و تەندروستییەكی باشی بۆ خواست.

لەبەرامبەردا كۆسرەت رەسول عەلی سوپاسی كردن.