عیراق.. 253 حزب ناوی خۆیان بۆ هه‌ڵبژاردن تۆمار كردوه‌

.

كۆمسیۆنی باڵای سه‌ربه‌خۆی ھه‌ڵبژاردنه‌كانی عیراق رایگه‌یاند، ھه‌ڵبژاردنی پێشوه‌خته‌ی ئه‌نجومه‌نی نوێنه‌ران له‌ واده‌ی دیاریكراودا ئه‌نجام ده‌درێت و ھیچ بوارێك بۆ گۆڕینی ئه‌و واده‌یه‌ نییه‌.

كۆمسیۆنی ھه‌ڵبژاردنه‌كانی عیراق ئاماژه‌ی به‌وه‌داوه‌، ھه‌وڵه‌كان بۆ به‌ڕێوه‌چوونی ھه‌ڵبژاردنێكی پاك و شه‌فاف، كه‌ شه‌قامی عیراقی و كۆمه‌ڵی نێوده‌وڵه‌تی رازی بكات به‌رده‌وامه‌.

رونیشیكردووه‌ته‌وه‌، تائێستا ناوی 253 حزب و 478 كاندید تۆماركراوه‌ بۆ به‌شداریكردن له‌ھه‌ڵبژاردنه‌كاندا.

دوپاتیكردووه‌ته‌وه‌، ھیچ بوارێك بۆ دواخستنی پرۆسه‌ی ھه‌ڵبژاردنی پێشوه‌خته‌ نیه‌و پرۆسه‌كه‌ له‌ واده‌ی دیاریكراوی خۆیدا، كه‌ 10 ی تشرینی یه‌كه‌می ئه‌مساڵ، ئه‌نجام ده‌درێت.

كۆمسیۆنی باڵای سه‌ربه‌خۆی ھه‌ڵبژاردنه‌كانی عیراق ئه‌وه‌شی خستوه‌ته‌ڕوو: تا 1ی ئایار ناو تۆماركردنی حزبه‌كان به‌رده‌وام ده‌بێت و له‌و چوارشێوه‌یه‌شدا 63 داواكاری وه‌رگیراوه‌ بۆ ناوتۆماركردنی حزبی نوێ.

PUKmedia ئاژانسه‌كان