خەلیفان.. لەرووداوێكی هاتوچۆدا كەسێك گیانیلەدەستدا

.

ئێوارەی ئەمڕۆ لەسەر ڕێگەی سەرەكی نێوان ناحیەی خەلیفان و سپیلك لە ڕووداوێكی ھاتووچۆدا حەوت ھاووڵاتی برینداربوون وكەسێكیش گیانی لەدەستدا.

محسن تەحسین مصتەفا بەڕێوەبەری بەشی ڕاگەیاندن وهۆشیاری ھاتووچۆی سۆران بە PUKmediaی ڕاگەیاند : ڕووداوەكە لەنێوان دوو ئوتومبێل لە جۆری نیسان ڤێرسا وشوفرلێت ئۆپترا روویداوە، لەئونجامدا شوفێرێك گیان لەدەستداوە و یەكێكیش بەسەختی برینداربووە دواتر ئوتومبێلێكی لە جۆری ڕانجڕۆڤەر خۆی دەكێشێت بە ھەردوو ئوتومبێلەكە لە ئەنجامی ڕووداوی دووەم پێنج ھاووڵاتی تر كە دوانیان منداڵن بریندار دەبن.

ووتیشی: ھۆكاری ڕووداوەكە پابەندنەبوونە بە ڕێنمایەكانی ھاتووچۆ داواكاریشم لە شوفێران ڕێنمایەكانی ھاتووچۆ جێبەجێ بكەن بۆ ئەوەی دووربن لە ھەر ڕووداوێك.

PUKmedia هاوار عەباس