یادێكی شكۆمه‌ندانه‌ بۆ‌ ئه‌نفال

یادێكی شكۆمه‌ندانه‌ بۆ‌ ئه‌نفال


14/4/2021 11:07:00
چاپ کردن
بە وێنەوە    بە بێ وێنە
           
.

له‌م یاده‌ خه‌مناك و ویژدان هه‌ژێنه‌ی مرۆڤایه‌تیدا، له‌ یادی ئه‌م كاره‌ساته‌ دڵته‌زێنه‌ و برینه‌ ساڕێژنه‌بووه‌ی جه‌سته‌ی نه‌ته‌وه‌كه‌ماندا، به‌ده‌م ئه‌م خه‌م و ئازاره‌ قوڵه‌ی ناخی كه‌س و كاری سه‌ربه‌رزو جێ فه‌خرو شانازی گه‌له‌كه‌مان. سه‌ری ڕێزو نه‌وازش داده‌نوێنین بۆ ڕۆحی به‌رزه‌فڕی فریشته‌كانی ئه‌نفال و نه‌وه‌و كه‌س و كاره‌ سه‌ربه‌رزه‌كه‌یان.

 هه‌ر لێره‌وه‌، له‌ پایته‌ختی شه‌هیدان و ئه‌نفال كراوانه‌وه‌ هه‌ر له‌م یادو بۆنه‌خه‌مناكه‌شدا، ده‌مه‌وێ بڵێم، حكومه‌تی عیراقی و حكومه‌تی هه‌رێمی كوردستان،په‌رله‌مانی عیراق، په‌رله‌مانی كوردستان، په‌رله‌مانه‌كانی دنیا،به‌رپرسه‌كانمان له‌ حكومه‌ت و له‌ حیزبیش بۆ هه‌تاهه‌تایه‌ قه‌رزاری خوێن و ڕۆحی قوربانیانی ئه‌نفال و شه‌هیدان و كه‌سوكار و نه‌وه‌ له‌دوای نه‌وه‌یانه‌. كوڕ له‌ دوای كوڕیانه‌، كچ له‌دوای كچیانه‌، منداڵ له‌ دوای منداڵیانه‌.

ئه‌وان به‌ خوێنی لماوی و ڕۆحی ته‌پ و تۆزاوی و جه‌سته‌ی برینداركراوی به‌جێماوی ته‌نیای خۆیان له‌ بیابانه‌ چۆڵه‌كانی خوارو و ناوه‌ڕاستی عیراقدا، به‌ چاوی به‌رپرسیارانه‌وه‌ لێمان ده‌ڕوانن، له‌ منداڵ و له‌ خوشك و براو له‌ دایك و باوكیان ده‌ڕوانن، له‌ گوازه‌رانیان ده‌ڕوانن، له‌ حاڵیان ده‌پرسن، چیتان بۆ كردوون ؟

  سه‌ره‌ڕای كارنه‌كردن بۆ به‌جینۆسایدناساندنی كه‌یسه‌كه‌ و قه‌ره‌بووكردنه‌وه‌ی زیانلێكه‌تووان، له‌ ئاستی نێوده‌وڵه‌تی، سه‌ره‌ڕای نه‌هێنانه‌وه‌ی روفاتی زیاتر له‌ ١٧٠٠٠٠ سه‌دو حه‌فتا هه‌زار روفات و ئه‌نجامنه‌دانی پشكنینی DNA بۆیان و به‌دوكومێنتكردن و یاسایی كردنی كه‌یسه‌كه‌،كه‌ گه‌وره‌ترین خزمه‌ت به‌ نه‌ته‌وه‌كه‌مان و كه‌س و كارین ده‌كات. وه‌كو هه‌ر هاوڵاتیه‌كی تری ئه‌م هه‌رێمه‌ پارچه‌ زه‌ویه‌كیان پی ڕه‌وا نابینین! كه‌ ده‌بوو زۆر له‌وه‌ زیاتریان بۆ بكه‌ن هه‌ر له‌ خوێندنیان، له‌ پاراستنی ته‌ندروستی و بیمه‌ی ته‌ندروستیان، له‌ ژیانیان له‌ دۆزینه‌وه‌ی هه‌لی كار بۆیان ...هتد.

  چه‌مچه‌ماڵ و گه‌رمیان به‌شێكی داهاتی ئه‌م هه‌رێمه‌ و ئه‌م وڵاته‌ دابین ده‌كات له‌ رێی سه‌رچاوه‌كانی وزه‌و نه‌وت و گازی سروشتی و كشتوكاڵ و ده‌روازه‌ سنووریه‌كانه‌وه‌. ته‌نها  به‌شێك له‌ پشكی ئه‌م داهاته‌ ده‌توانێ هه‌موو پێداویستی و خواسته‌كانی نه‌وه‌و كه‌س و كاری ئه‌نفالكراوان جێبه‌جێ بكات. نه‌ك پارچه‌ زه‌ویه‌ك به‌ڵكو شایسته‌یی زیاتر، كه‌ هی خۆیانه‌و بۆ خۆیانه‌.

هاوخه‌م و هاوسۆزو هاوده‌می ئازاره‌كانتانین، سوێی برینتان وا له‌ هه‌ناوی ژاكاوی ئێمه‌دایه‌، بۆ هه‌تا هه‌تایه‌ به‌ شانازیه‌وه‌ په‌یامه‌ له‌ چاڵنراوه‌كانی داستانی ئه‌م كۆسته‌ له‌گه‌ڵ عومه‌ری خاوه‌ردا جاڕده‌ده‌ین.

درود بۆ ڕۆحی پاكی ئه‌نفال كراوان

رزگار محه‌مه‌د كه‌ریم

١٣ی نیسانی
PUKmedia

وێنە هەواڵ
  • image04
  • ئەمڕۆ ڕۆژی جیهانی نەخۆشی تالاسیمایە

  • image04
  • سه‌رۆكی هه‌رێمی كوردستان سه‌ردانی هاوسه‌رۆكانی یه‌كێتی ده‌كات

  • image04
  • ئەمڕۆ رۆژی جیهانی كرێكارانە

  • image04
  • د.بەرهەم ساڵح سەرۆك كۆماری عیراق لەفڕۆكەخانەی هەولێر لەلاەین قواد تاڵەبانیەوە پێشوازی لێكرا

  • image04
  • قوباد تاڵه‌بانی پێشوازی له‌ وه‌زیری ده‌ره‌وه‌ی ئێران كرد

  • image04
  • قوباد تاڵه‌بانی و هاوسه‌ره‌كه‌ی ڤاكسینی كۆرۆنایان وه‌رگرت

  • image04
  • تاجە گوڵینەی وەفا لەسەر مۆنۆمێنتی ئەرمەنەكان دادەنرێت

  • image04
  • یادی 47 ساڵەی كارەساتی بۆمبارانكردنی قەڵادزێ دەكرێتەوە


                                           

دانیمارك.. تەرمی پێشمەرگەی دێرین حاجی رزگار بەخاك سپێردرا


ڕێوڕەسمی بەخاك سپاردنی پێشمەرگەی دێرین  حاجی ڕزگاری وەستا محمود رێكخرا.

    بە ئامادەبوونی جەماو...


  ناوه‌ندی فینلاند سه‌ردانی باڵیۆزخانه‌ی عیراق ده‌كات
  ژنە كوردێك لە فەڕەنسا كوژرا
                                           

چاوپێكه‌وتنێك له‌گه‌ڵ هونه‌رمه‌ند ئه‌حمه‌د زه‌هاوی


هونه‌رمه‌ند ئه‌حمه‌د زه‌هاوی: زۆربه‌ی په‌یكه‌ره‌كانی من ،له‌ فلكلۆر و  كلتوری كوردی سه‌رچاوه‌ ده‌گرن

هونه&...


  د.یاد نەقشبەندی:29 حاڵەتی توشبوی كۆرۆنا تەندروستیان زۆر ناجێگیرە
  چێشتخانه‌یه‌ك له‌هه‌ورامان خواردنێكی جیاواز پێشكه‌ش ده‌كات
                                           

هه‌ولێر.. خاوه‌ن زه‌وییه‌كانی حه‌سارۆك متمانه‌یان به‌ ئیداره‌ی شاره‌كه‌ نه‌ماوه‌

دوای چه‌ندین ناڕه‌زایی و گردبونه‌وه‌،‌ ئه‌مڕۆ ٢/٥/٢٠٢١جارێكی تر ژماره‌یه‌ك له‌خاوه‌ن زه‌وییه‌كانی هه‌شتی حه‌سارۆك چون...


  مه‌سیحیه‌كان باس له‌گرفته‌كانی به‌رده‌م هه‌ڵبژاردنی داهاتوو ده‌كه‌ن
  خۆشنووسی كوردستان لە ئاستی هونەری خۆشنووسی جیهاندایە


کاریکاتێر