بافڵ تاڵەبانی: پاڵپشتی كەسوكاری ئەنفال و شەهیدانم
ی.ن.ک 10:30 AM - 2021-04-14.
لە یادی 33 ساڵەیی مەرگەساتی ئەنفالدا، بافڵ تاڵەبانی هاوسەرۆكی یەكێتیی نیشتمانیی كوردستان پەیامێكی بڵاوكردەوە و رایگەیاند، هەمیشە خۆم بە كەس و پاڵپشت و هاوكاری هەموو كەسوكاری سەربەرزی شەهیدانی ئەنفال و سەرجەم شەهیدانی كوردستان دەزانم.
دەشڵێت: دڵنیاتان دەكەمەوە هەوڵەكانمان لەپێناو خزمەتكردنتان بەردەوام دەبێت، ئەوەش بە ئەركی خۆمان دەزانین و لە ئاست ئەو بەرپرسیارێتییەدا دەبین.
راشیدەگەیەنێت، داوا لە حكومەتی هەرێم دەكەم دوور لە هەموو درووشم و پیاهەڵدانێك ژیانێكی شایستە بۆ كەسوكاری سەربەرز و كۆڵنەدەری شەهیدان و ئەنفالكراوان و رزگاربووان دابینبكات و ماف و داوا ڕەواكانیان جێبەجێ بكات.
دەقی پەیامەكە:
ئەمڕۆ بە دڵتەنگییەوە یادی یەكێك لە خەمناكترین و دڕندانەترین رووداوەكانی مێژوو دەكەینەوە. یادی لەناوبردن، بێسەروشوێنبوون و زیندەبەچاڵكردنی خوشك و براكانمان و وێرانبوونی گوندەكانمان دەكەینەوە.
ئەنفال برینێكی گەورەی نەتەوەكەی ئێمەیە و بۆ هەمیشە لە دڵماندا دەمێنێتەوە.
ئێمە لە سەرۆكایەتی یەكێتیی نیشتمانیی كوردستان بەڕێزەوە لە گلەیی و ناڕەزایەتییەكانی كەسوكاری سەربەرزی ئەنفال و رزگاربووانی ئەم تاوانە لەبیرنەكراوە دەڕوانین. دەمەوێت جەخت لەوە بكەمەوە هەمیشە خۆم بە كەس و پاڵپشت و هاوكاری هەموو كەسوكاری سەربەرزی شەهیدانی ئەنفال و سەرجەم شەهیدانی كوردستان دەزانم. دڵنیاتان دەكەم هەوڵەكانمان لەپێناو خزمەتكردنتان بەردەوام بێت، ئەمەش بە ئەركی خۆمان دەزانین و لە ئاست ئەو بەرپرسیارێتییەدا دەبین.
داوا لە حكومەتی هەرێمی كوردستان دەكەم دوور لە هەموو درووشم و پیاهەڵدانێك ژیانێكی شایستە بۆ كەسوكاری سەربەرز و كۆڵنەدەری شەهیدان و ئەنفالكراوان و رزگاربووان دابین بكات و ماف و داوا ڕەواكانیان جێبەجێ بكات.
دەمەوێت دڵنیایی بە كەسوكاری خۆشەویستی شەهیدان و ئەنفالكراوان بدەم كە رێگە بە هیچ كەس و لایەنێك نادەین كە رێگربێت لەبەردەم مافە یاساییەكانتان. تیمی یەكێتیمان لە حكومەت راسپاردووە و هەموو هەنگاوێكی پێویست بۆ ئەو مەبەستە دەگرنەبەر.
سڵاو لە رۆحی شەهیدانی ئەنفال و سەرجەم شەهیدانی كورد و كوردستان.
بافڵ تاڵەبانی
هاوسەرۆكی یەكێتیی نیشتمانیی كوردستان
PUKmedia ژینەر محەمەد
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18