بافڵ تاڵەبانی بۆ ئێزیدییەكان: پاڵپشت و هاوكارتانم

.

بەبۆنەی جەژنی سەری ساڵی ئێزیدییەوە بافڵ تاڵەبانی هاوسەرۆكی یەكێتیی نیشتمانیی كوردستان پیرۆزبایی ئاراستەی خوشك و برایانی ئێزیدی دەكات كە ئەمە دەقەكەیەتی:

بەبۆنەی جەژنی سەری ساڵی ئێزیدییەوە پیرۆزباییەكی گەرم ئاراستەی خوشك و برایانی ئێزیدی لە كوردستان و جیهان دەكەم و هیوادارم جەژنێكی پڕ خۆشی و كامەرانیتان هەبێت.

كوردانی ئێزیدی پێكهاتەیەكی گرنگ و كاریگەری كوردستانن و وڵاتەكانمان بە ئەوانەوە جوانتر و فرەڕەنگترە.

ئێمە ئازار و نەهامەتییەكانی خوشك و برایانی ئێزدیمان لەیاد نەكردووە، دەزانین لە رابردوودا زوڵم و ستەمێكی زۆریان بەرامبەر كراوە و قوربانی زۆریان داوە. بۆیە بە ئەركی خۆمان دەزانین هەموو هەوڵەكانمان لە پێناو دابینكردنی ژیانێكی شایستە و خۆشگوزەران بۆ خوشك و برا ئێزیدییەكانمان چڕ بكەینەوە و هەنگاوی جدی بنێین بۆ گەڕانەوەی ئەو ئازیزانەمان كە تاوەكو ئێستا چارەنووسیان نادیارە.

دەمەوێت بەڵێنی خۆم بۆ سەرجەم خوشك و برایانی ئێزیدی دووپات بكەمەوە كە خۆم بە پاڵپشت و هاوكاری ئێوە دەزانم و پشتیگیری داوا ڕەواكانتان دەكەم. جارێكی تر پیرۆزبایی ئەم جەژنەتان لێدەكەم و هیوادارم كاتێكی خۆش و ئارام بەسەربەرن.


بافڵ تاڵەبانی
هاوسەرۆكی یەكێتیی نیشتمانیی كوردستان

PUKmedia تایبەت