ئێران.. ڕووداوێك له‌ وێستگه‌ی ئه‌تۆمی نه‌ته‌نز ڕوویدا

.

وته‌بێژی ئاژانسی وزه‌ی ئه‌تۆمی ئێران ڕایگه‌یاند: ڕووداوێك له‌ وێستگه‌ی ئه‌تۆمی نه‌ته‌نز ڕوویداوه‌ و تا ئێستاش هۆكاره‌كه‌ی نه‌زانراوه‌.

به‌هرۆز كه‌مال وه‌ندی وته‌بێژی ئاژانسی وزه‌ی ئه‌تۆمی ئێران به‌ ئاژانسه‌كانی ئێرانی ڕاگه‌یاند: به‌ره‌به‌یانی ئه‌مڕۆ یه‌كشه‌ممه‌ 11-4-2021 ڕووداوێك له‌ به‌شی كاره‌بای وێستگه‌ی ئه‌تۆمی نه‌ته‌نز ڕوویداوه‌ و تا ئێستا هۆكاره‌كه‌ی نه‌زانراوه‌.

كه‌مال وه‌ندی ڕاشیگه‌یاندووه‌ ڕووداوه‌كه‌ی زیانی گیانی نه‌بووه‌ و له‌ئێستادا لێكۆڵینه‌وه‌كان له‌باره‌ی ئه‌و ڕووداوه‌ ده‌ستپێكردووه‌ و دواتر ورده‌كاری زیاتر ده‌خه‌نه‌ ڕوو.

وێستگه‌ی ئه‌تۆمی نه‌ته‌نز له‌ باكووری پارێزگای ئیسفه‌هان هه‌ڵكه‌وتووه‌.

PUKmedia ئاژانسه‌كان ئێران