ریال مه‌درید سه‌ركه‌وتنی به‌ده‌ستهێناو چووه‌ پێشه‌نگ

.

له‌ خولی یانه‌كانی ئیسپانیاو له‌ یاری كلاسیكۆی خوله‌كه‌، ریال مه‌درید سه‌ركه‌وتنی به‌سه‌ر به‌رشه‌لۆنه‌ به‌ده‌ستهێناو پێشه‌نگی خوله‌كه‌شی به‌ شێوه‌یه‌كی كاتی گرت .

یارییه‌كه‌ له‌ چوارچێوه‌ی گه‌ڕی ٣٠ـی خولی ئیسپانیا بوو له‌ سه‌ر یاریگای ئالفریدیۆ دی ستیفانۆ ، خاوه‌ن یاریگه‌ توانی ٢-١ له‌ به‌رشه‌لۆنه‌ی میوانداری بباته‌وه‌ .

گۆڵه‌كانی ریال مه‌درید له‌ رێگه‌ی كه‌ریم بنزێماو تۆنی كروسی ئه‌ڵمانی تۆماركراو ته‌نیا گۆڵه‌كه‌ی به‌رشه‌لۆنه‌ش له‌ رێگه‌ی مێنگیزا نووسرایه‌وه‌ .

به‌و ئه‌نجامه‌ ریال مه‌درید به‌ شێوه‌یه‌كی كاتی به‌ كۆكردنه‌وه‌ی ٦٦ خاڵ هاته‌ پله‌ی یه‌كه‌م و به‌رشه‌لۆنه‌ش له‌ پله‌ی سێیه‌مه‌ به‌ جیاوازی خاڵیك و كۆكردنه‌وه‌ی ٦٥ خاڵ .

PUKmedia به‌شی وه‌رزش