کەجەکە:مامۆستا برایم ئەحمەد قوتابخانەیەکی مەزنی سیاسەت بوو

کەجەکە:مامۆستا برایم ئەحمەد قوتابخانەیەکی مەزنی سیاسەت بوو


8/4/2021 20:58:00
چاپ کردن
بە وێنەوە    بە بێ وێنە
           
.

كەجەكە، پەیامێكی بەبۆنەی یادی ٢١ ساڵەی كۆچی دوایی ئیبراهیم ئەحمەد، بڵاو كردەوە ‌و تێیدا پەیمانی بەدیهێنانی ئاواتەكانی كۆچكردوو، دەدات.

ئەمەی خوارەوە دەقی پەیامەكەی كۆمیته‌ی په‌یوه‌ندییه‌كانی كۆما جڤاكێن كوردستان (كەجەكە)یە:

“له‌ ٢١ مین ساڵڕۆژی كۆچی دوایی شۆڕشگێڕ، سیاسه‌تمه‌دار، ئه‌دیب، نووسه‌ر و ڕۆشنبیری مه‌زنی گه‌له‌كه‌مان مامۆستا ئیبراهیم ئه‌حمه‌د، سه‌ری ڕێز و نه‌وازش بۆ یادی ئه‌و تێكۆشه‌ره‌ ماندونه‌ناسه‌ی كوردستان داده‌نه‌وێنین و به‌ڵێن و په‌یمانی خۆمان بۆ به‌دیهێنانی ئاواته‌كانی دووپات ده‌كه‌ینه‌وه‌.

مامۆستا ئیبراهیم ئه‌حمه‌د، قوتابخانه‌یه‌كی مه‌زنی سیاسه‌ت، ئه‌ده‌ب، شۆڕشگێڕی و ئه‌خلاق و كوردایه‌تییه‌ كه‌ توانی له‌ چه‌مك و بیروبۆچوون و كرداردا، گۆڕانكاری بنه‌ڕه‌تی له‌ ره‌وتی خه‌باتی نه‌ته‌وه‌یی و ئازادیخوازی  له‌ باشووری كوردستاندا بهێنێته‌ ئاراوه‌ و پێشه‌نگایه‌تی بۆ نوێبوونه‌وه‌ و پێشكه‌وتن بكات له‌ زیهنییه‌ت و سیاسه‌تی كوردیدا.

مامۆستا ئیبراهیم ئه‌حمه‌د له‌ گه‌ڵ ئه‌وه‌ی كه‌ له‌ دژی هێزه‌ داگیركه‌رانی سه‌ر كوردستان خه‌بات و تێكۆشانی ده‌كرد، به‌ بوێرییه‌وه‌ له‌ دژی زۆر چه‌مكی كلاسیك و باوی سیاسه‌ت و كۆمه‌ڵگای كوردی تێكۆشانی بێوچانی به‌ڕێوه‌برد و توانی گۆڕانكاری بنه‌ڕه‌تی ئه‌نجام بدات له‌ كۆمه‌ڵگا و فه‌رهه‌نگ و ئه‌ده‌ب و سیاسه‌تی كوردیدا.

هه‌ر له‌ ئه‌نجامی ئه‌و هه‌وڵ و تێكۆشانه‌ی ئه‌ودا بوو كه‌ ژنان و گه‌نجان و رۆشنبیران و چین و توێژه‌ جیاجیاكانی كۆمه‌ڵگای كوردی له‌ باشووری كوردستان به‌شدارییان له‌ خه‌باتی ئازادیخوازی و نه‌ته‌وه‌ییدا كرد. ئێستاش شوێنپه‌نجه‌ی ئه‌و گۆڕانكاری و نوێگه‌رییانه‌ی كه‌ مامۆستا ئیبراهیم ئه‌حمه‌د پێشه‌نگایه‌تی بۆ كردووه‌، له‌ سیاسه‌ت و كۆمه‌ڵگای كوردیدا دیاره‌.

ره‌هه‌ندێكی گرنگی دی له‌ تێكۆشانی مامۆستا ئیبراهیم ئه‌حمه‌ددا، تێپه‌ڕكردنی چه‌مكی پارچه‌گه‌رایی و له‌به‌رگرتنی سیاسه‌تی نه‌ته‌وه‌یی و یه‌كانگیره‌ بۆ هه‌موو به‌شه‌كانی كوردستان. هه‌ربۆیه‌، له‌ گه‌ڵ هه‌موو هێز و لایه‌نه‌كانی به‌شه‌كانی دی كوردستان په‌یوه‌ندی و دۆستایه‌تی پێشخستووه‌ و هاوكار و پشتیوان بووه‌. به‌ تایبه‌ت تێڕوانین و بۆچوون و هه‌ڵوێسته‌كانی ئه‌و سه‌باره‌ت به‌ خه‌باتی ئازادیخوازی له‌ باكووری كوردستان وه‌ك مانیفێستۆیه‌كی نه‌ته‌وه‌یی و دیموكراسییه‌ و رێنشانده‌ری هه‌ر هێزێكی نیشتمانپه‌ره‌وه‌ر و ئازادیخوازه‌. له‌م چوارچێوه‌یه‌شدا دۆستایه‌تی مامۆستا ئیبراهیم ئه‌حمه‌د له‌ گه‌ڵ رێبه‌ر ئاپۆ خاوه‌ن ره‌هه‌ندی قووڵی مێژوویی و كه‌لتووری و رۆشنبیرییه‌ و ده‌سكه‌وتی زۆر گرنگی بۆ گه‌لی كورد هێناوه‌ته‌ ئاراوه‌ كه‌ گرنگترینیان دامه‌زراندنی كۆنگره‌ی نه‌ته‌وه‌یی كوردستانه‌. مامۆستا ئیبراهیم ئه‌حمه‌د هه‌م وه‌ك دامه‌زرێنه‌ر و هه‌م وه‌ك یه‌كه‌م سه‌رۆكی  كۆنگره‌ی نه‌ته‌وه‌یی  پێشه‌نگ و رچه‌شكێنی یه‌كێتی نه‌ته‌وه‌یی و دیموكراتی گه‌لی كوردستانه‌. له‌م قۆناخه‌ی ئێستادا كه‌ هه‌ر چواربه‌شی كوردستان له‌به‌رده‌م هێرشی داگیركه‌راندایه‌ و  رووبه‌ڕووی ئه‌زموونی مێژوویی و چاره‌نووس ساز بوونه‌ته‌وه‌، گه‌ڕانه‌وه‌ بۆ بیر و بۆچوونه‌كانی مامۆستا ئیبراهیم ئه‌حمه‌د و قاڵبوونه‌وه‌ له‌ چه‌مك و هه‌ستی نه‌ته‌وه‌یی و نیشتمانی ئه‌ودا ده‌بێته‌ به‌رچاوروونی و هێزی چاره‌سه‌ری بۆ هه‌موو كێشه‌ و ئاسته‌نگییه‌كان.

ئێمه‌ وه‌كو بزووتنه‌وه‌ی ئازادیخوازی كوردستان، خۆمان به‌ درێژه‌پێده‌ری رێبازی نیشتمانپه‌روه‌ری و نه‌ته‌وه‌یی مامۆستا ئیبراهیم ئه‌حمه‌د ده‌زانین و به‌رده‌وام گرێدراوی هه‌ست و هه‌ڵوێستی دۆستی و هاوڕێیه‌تی ئه‌وین له‌ گه‌ڵ رێبه‌ر ئاپۆدا. له‌ كۆتاییدا، جارێكی دی یاد و بیروه‌ری مامۆستا ئیبراهیم ئه‌حمه‌د به‌رز و پیرۆز راده‌گرین و به‌ڵین و په‌یمان ده‌ده‌ین كه‌ تا به‌دیهاتنی خه‌ون و ئاواته‌كانی مامۆستای هێژا و بلیمه‌ت درێژه‌ به‌ خه‌بات و تێكۆشان بده‌ین.”

PUKmedia

وێنە هەواڵ
  • image04
  • سێ شەمە یەكەم رۆژی مانگی پیرۆزی رەمەزانە

  • image04
  • خانه‌قین.. په‌رده‌ له‌سه‌ر تابلۆی شه‌ھیدانی ھه‌ڵۆی سور لادرا

  • image04
  • كۆڕێ، ئه‌و داستانه‌ی به‌رگریی یه‌كێتی به‌ده‌ستیهێنا

  • image04
  • رۆژی كه‌وتنی بته‌كه‌

  • image04
  • بە بەشداری بافڵ تاڵەبانی هاوسەرۆكی یەكێتی كۆبوونەوەی سەرۆكایەتی هەرێم و لایەنەكان بەڕێوەدەچێت

  • image04
  • 21 ساڵ به‌سه‌ر كۆچی دوایی برایم ئه‌حمه‌د تێده‌په‌ڕێت

  • image04
  • سه‌رۆك کۆمار نامه‌یه‌كی له‌ قه‌داسه‌تی پاپا فرانسیس پێگه‌یشت

  • image04
  • 16 ساڵ پێش ئێستا بۆ یەكەمینجار پێشمەرگەیەك بوو بەسەرۆك كۆمار


                                           

ناوه‌ندی فینلاند سه‌ردانی باڵیۆزخانه‌ی عیراق ده‌كات


رۆژی پێنجشه‌ممه رێكه‌وتی 8-4-2021 له‌ شاری هیلسنكی وه‌فدێكی ناوه‌ندی یه‌كێتیی نیشتیمانیی كوردستان له‌ فینلاند سه‌ردانی...


  ژنە كوردێك لە فەڕەنسا كوژرا
  دكتۆریكی كورد لە كەنەدا گیانی لەدەستدا
                                           

چاوپێكه‌وتنێك له‌گه‌ڵ هونه‌رمه‌ند ئه‌حمه‌د زه‌هاوی


هونه‌رمه‌ند ئه‌حمه‌د زه‌هاوی: زۆربه‌ی په‌یكه‌ره‌كانی من ،له‌ فلكلۆر و  كلتوری كوردی سه‌رچاوه‌ ده‌گرن

هونه&...


  د.یاد نەقشبەندی:29 حاڵەتی توشبوی كۆرۆنا تەندروستیان زۆر ناجێگیرە
  چێشتخانه‌یه‌ك له‌هه‌ورامان خواردنێكی جیاواز پێشكه‌ش ده‌كات
                                           

سه‌ندیكای كرێكاران داوای یاسایه‌كی تازه‌ی كار بۆ كرێكاران ده‌كات

سه‌ندیكای كرێكارانی كوردستان نه‌بوونی یاسایه‌كی سه‌رده‌می و تازه‌ به‌ هۆكارێكی گرنگ سه‌ره‌كی به‌رده‌م دابینكردنی مافی كرێكاران ده&zw...


  ڕه‌هه‌نده‌ یاساییه‌كانی تاوانی ئه‌نفال
  ئەنفال تاوانی سەدە


کاریکاتێر