نوێنه‌ران واده‌ی ده‌ستپێكردنی وه‌رزی نوێی یاسادانان ئاشكراده‌كات

.

ئه‌نجومه‌نی نوێنه‌رانی عیراق واده‌ی ده‌ستپێكردنه‌وه‌ی وه‌رزی دووه‌می یاسادانانی دیاریكرد.

له‌ راگه‌یه‌نراوێكی ئه‌نجومه‌نی نوێنه‌رانی عیراق كه‌ ئه‌مڕۆ 8-4-2021، كۆپییه‌كی بۆ PUKmedia نێردراوه‌ تێیدا هاتووه‌، سه‌رۆكایه‌تی ئه‌نجومه‌نی نوێنه‌ران پشت به‌ست به‌ مادده‌ی 57 ی ده‌ستور خولی ساڵانه‌ی ئه‌نجومه‌نی نوێنه‌ران به‌ دوو وه‌رزی یاسادانان كه‌ هه‌ریه‌كه‌یان به‌ حه‌وت مانگ دیاریكراوه‌، له‌ماوه‌ی رابردودا له‌ پشووی یاساداناندا به‌هۆی گفتوگۆكردن و په‌سه‌ندكردنی پڕۆژه‌ یاسای بودجه‌وه‌ دانیشتنه‌كانی نوێنه‌ران به‌رده‌وامبووه‌، دوای ئه‌وه‌ش كه‌ وه‌رزی یه‌كه‌می یاسادانانی كۆتایی پێهاتبوو.

ئاماژه‌ی به‌وه‌شداوه‌، رۆژی سێشه‌ممه‌ 20-4-2021، رۆژی ده‌ستپێكردنی وه‌رزی دووه‌می یاسادانانی ئه‌نجومه‌نی نوێنه‌رانی عیراق ده‌بێت.

PUKmedia راگه‌یاندنی ئه‌نجومه‌نی نوێنه‌رانی عیراق