riklam

سه‌رۆك كۆمار: كوردانی فه‌یلی پێكهاته‌یه‌كی ره‌سه‌نی عیراقن

عیراق 04:54 PM - 2021-04-08
.

.

د. به‌رهه‌م ساڵح، سه‌رۆك كۆماری عیراق ئه‌مڕۆ پێنجشه‌ممه‌ 8-4-2021، له‌ كۆشكی سه‌لام له‌ به‌غدا پێشوازیكرد له‌ وه‌فدێكی كوردانی فه‌یلی.

له‌ دیداره‌كه‌دا سه‌رۆك كۆمار جه‌ختیكرده‌وه‌ كه‌ كوردانی فه‌یلی پێكهاته‌یه‌كی ره‌سه‌نی عیراقن و رۆڵێكی گه‌وره‌ و دیاریان هه‌بووه‌ له‌ سه‌رجه‌م قۆناغه‌ جیاجیاكانی مێژووی عیراقدا، ھه‌روه‌ھا ئاماژه‌یكرد به‌و قوربانییه‌ زۆره‌ی كه‌ به‌خشیویانه‌.

له‌ به‌شێكی دیكه‌ی دیداره‌كه‌دا سه‌رۆك به‌رھه‌م باسی له‌و سته‌مه‌ زۆره‌ كرد كه‌ رژێمی دیكتاتۆرییه‌تی له‌ناوچوو رووبه‌ڕووی ئه‌م پێكهاته‌ ره‌سه‌نه‌ی كردبوو، ھاوكات جه‌ختیكرده‌وه‌ له‌ پێویستی قه‌ره‌بووكردنه‌وه‌ی قوربانیان و زامنكردنی به‌شداری كارای كوردانی فه‌یلی له‌ ژیانی سیاسی و كۆمه‌ڵایه‌تی و رۆشنبیری، به‌وجۆره‌ی ده‌نگ و داواكارییه‌ ره‌واكانیان بگاته‌ حكومه‌ت و په‌رله‌مان.

له‌ كۆتایی دیداره‌كه‌دا سه‌رۆك كۆمار گوێی گرت بۆ شاندێكی میوان له‌باره‌ی ئه‌و ئاسته‌نگ و كێشانه‌ی كه‌ رووبه‌ڕووی كوردانی فه‌یلی ده‌بێته‌وه‌، بۆ ئه‌و مه‌به‌سته‌ش پشتیوانی ته‌واوی خۆی بۆ كه‌مكردنه‌وه‌ی ئاسته‌نگه‌كانی به‌رده‌م كوردنی فه‌یلی دووپاتكرده‌وه‌.

له‌لای خۆیانه‌وه‌ وه‌فدی میوان سوپاس و ستایشی خۆیان بۆ سه‌رۆك كۆمار ده‌ربڕی بۆ ئه‌و رۆڵه‌ گه‌وره‌یه‌یی كه‌ ده‌یبینێت بۆ چه‌سپاندنی به‌های پێكه‌وه‌ژیان له‌نێوان ته‌واوی پێكهاته‌كانی گه‌لی عیراق.

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket