سه‌ره‌ڕای كاروباری زانستی و ئه‌كادیمی، كۆلێجی زانسته‌ ئه‌ندازیارییه‌ كشتوكاڵییه‌كان خۆی وه‌كو به‌شێكی دانه‌بڕاو له‌كۆمه‌ڵگه‌ له‌هه‌وڵی به‌ره‌وپێشچوونی كه‌رتی كشتوكاڵه‌ له‌ڕێگه‌ی ئه‌نجامدانی چالاكییه‌كی زانستی وه‌كو كردنه‌وه‌ی خولی هه‌نگه‌وانی بۆ هه‌نگه‌وانانی شاری كفری به‌هه‌ماهه‌نگی له‌گه‌ڵ به‌ڕێوه‌به‌رایه‌تی گشتی كشتوكاڵی گه‌رمیان و به‌هاوكاری ڕێكخراوی هاوكاری ئه‌ڵمانی، هه‌روه‌ها دروستكردنی یه‌كه‌ی نموونه‌ی سیستمی هایدرۆپۆنیك له‌ كه‌رسته‌ی ساده‌ و لۆكالی بۆ به‌روبوومه‌ رووه‌كییه‌كان.

به‌كارهێنانی سیستمی هایدۆپونیك گرنگه‌ و پێویستی به‌ خاك و دژه‌ ده‌غڵ و مه‌واده‌ی كیمیایی نییه‌ له‌گه‌ڵ ئه‌وه‌شدا به‌رھه‌می چه‌ند به‌رامبه‌ر زیاتره‌ و ڕێژه‌یه‌كی كه‌متر ئاوی پێویسته‌ به‌ به‌راورد به‌ رێگه‌ كلاسیكییه‌كانی چاندن. ئه‌م سیستمه‌ ده‌توانرێت سوودی لێ وه‌ربگیریت بۆ به‌رووبوومه‌ رووه‌كییه‌ هه‌ستیاره‌كان به‌تایبه‌ت وه‌كو فراوله‌.

PUKmedia حه‌یده‌ر ئه‌حمه‌د / كفری