گوندێ داوودیێ  سه‌رب ناوجه‌داریا بامه‌رنێ بوو دوو حه‌فتیان هاته‌ كه‌ڕه‌نتینه‌كرن ..

ژبه‌ركو د رۆژێن ده‌ربازبووی دا هژماره‌ك ژ وه‌لاتیێن گوندێ داوودیێ تووشی كۆرۆنایێ بوون و بوو ئه‌گه‌رێ مرنا دو ۆه‌لاتان، بڕیار هاته‌ دان گوندێ ناڤبری بو ده‌مێ دو حه‌فتیان بهێته‌ كه‌ره‌نتینكرن.

د.شاكر عبدالعزیز ڕدێنی، رێڤه‌به‌رێ ساخله‌میا ئامێدیێ دیاكر كو ئاكنجیێن گوندی دورێن دوسه‌د كه‌سانه‌ و ل رۆژێن ده‌ربازبووی هژماره‌ك زوور تووشی كۆرۆنایێ بووینه‌ له‌ورا هاته‌ كه‌ڕه‌نتینكرن.

د.شاكر دیاركرئه‌ڤرۆ ب سه‌رپه‌رشتیا رێڤه‌به‌رێ گشتیێ ساخله‌میا دهۆكێ، سێ تیمێن پشكنینان سه‌ره‌دانا گۆندێ ناڤبری كرینه‌ بو وه‌رگرتنا پشكنینێن هه‌ره‌مه‌كی و هژماره‌كا نموونان هاتینه‌ وه‌رگرتن.

هه‌روه‌سا میران عه‌بدولره‌حمان، رێڤه‌به‌را ناوچه‌داریا بامه‌رنێ  گۆت: ل گوندێ داودیێ یێ سه‌ر ب ناوچه‌داریا بامه‌رنێ ڤه‌ ژ به‌ر تووشبوونا ژماره‌كا خه‌لكێ گوندی ب كۆرۆنایێ،  ب خۆبه‌خشی بریار دایه‌ خه‌لكێ گوندی هه‌می د مالێن خۆ ڤه‌ بهێنه‌ كه‌ره‌نتینكرن.

ژ ئالیێ خۆڤه‌ ژی كلارا عودیشو، رێڤه‌به‌را كه‌مپا داودیێ راگه‌هاند و گۆت: ژ سه‌رجه‌مێ 220 ئاكنجیێن گوندێ داودیێ نێزیكی 60 كه‌سان تووشی كۆرۆنایێ بووینه‌، لێ چ حاله‌تێن كۆرۆنایێ ل كه‌مپا داودیێ یائاوه‌رایان یانێزیك گوندی نه‌هاتینه‌ تۆماركرن. دهیته‌ زانین كوپرانیا خه‌لكێ گوندێ داودیێ یا سه‌رب ناوجه‌داریا بامه‌رنێ ل قه‌زا ئامیدیێ كریستیانن و كلدانی نه‌.

PUKmedia به‌یار ئامێدی