چین ڤاكسینی دیكە بۆ عیراق و هەرێم دەنێرێت

.

باڵیۆزی عیراق لەچین رایگەیاند: بۆ دابینكردنی ڤاكسینی زیاتر توانیویانە 200 هەزار ژەمە ڤاكسینی تری چینی بۆ عیراق دابین بكەن و لەو بڕەش 20 هەزار ژەمی بەر هەرێم دەكەوێت.

شۆڕش خالید سەعید باڵیۆزی عیراق لەوڵاتی چین بە PUKmediaی رایگەیاند: لە چەند رۆژی داهاتوودا وەجبەی دووەمی ڤاكسینی چینی (سیۆفام) دەگاتە عیراق كە بڕەكەی 200 هەزار ژەمە.

وتیشی: وەزارەتی تەندروستی عیراق و باڵیۆزخانەی چین لەبەغداو باڵیۆزخانەی عیراق لە پەكینی پایتەخی چین هەوڵەكانیان بۆ دابینكردنی ڤاكسین و رەوانەكردنی بۆ بەغدا خستەگەڕوو توانرا وەك وەك وەجبەی دووەم بڕی 200 هەزار ژەمە ڤاكسینی تری چینی لە جۆری (سینۆفام) بۆ عیراق دابین بكرێت و رۆژی 11ی 4ی 2021 دەگاتە عیراق.

باڵیۆزی عیراق لەچین لەبارەی پشكی هەرێمیش لەو بڕە ڤاكسینە، رایگەیاند:دوای گەیشتنی ڤاكسینەكە بۆ بەغدا هەرێمی كوردستان 20 هەزار ژەمە ڤاكسینی بەردەكەوێت.

PUJKmedia تایبەت