ئه‌مڕۆ پێشمه‌رگه‌ یه‌كه‌م یاری ده‌كات

.

پاش ئه‌وه‌ی دوێنێ یه‌كه‌م ڕۆژی یارییه‌كانی قۆناغی كۆتایی خولی نایابی باله‌ی یانه‌كانی عیراق ده‌ستیپێكرد له‌ هۆڵی شه‌عب له‌ شاری به‌غدا و تیایدا دوو یاری به‌ڕێوه‌چوو و یانه‌ی پێشمه‌رگه‌ی سلێمانی پشوو بوو.

بڕیاره‌ ئه‌مڕۆ پێنج شه‌ممه‌ پێشمه‌رگه‌كان یه‌كه‌م یاری خۆیان له‌ قۆناغی كۆتایی ئه‌نجام بده‌ن به‌رامبه‌ر به‌ یانه‌ی گازی باشور كه‌ یاری لوتكه‌ی لوتكه‌كان ده‌بێت له‌ نێوان هه‌ردوو یانه‌ ڕكابه‌ره‌كه‌ له‌ سه‌ر نازناوی ئه‌م وه‌رزه‌.

یانه‌كه‌ی شاری سلێمانی ئه‌مڕۆ له‌ تواناكانی یه‌كێك له‌ ڕافیعه‌ ناسراوه‌كانی عیراق بێ به‌ش ده‌بێت كه‌ ئه‌ویش ئاسۆ عادله‌ پاش ئه‌وه‌ی دوێنێ هه‌واڵی كۆچی دوایی باوكی پێ گه‌ییشت و به‌ هۆیه‌وه‌ مه‌شقه‌كانی یانه‌كه‌ی جێهێشت و له‌شاری به‌غداوه‌ بۆ ده‌ربه‌ندیخانی سه‌ركه‌ش گه‌ڕایه‌وه‌.

بڕیاره‌ ئه‌مڕۆ یاریزانانی هاوڕێی په‌ڕۆی ڕه‌ش ببه‌ستن وه‌ك هاوخه‌مییه‌ك بۆ ئاسۆ و چه‌ند ساتێكیش به‌ بێ ده‌نگی بوه‌ستن وه‌ك ڕێزێك بۆ باوكی كۆچ كردووی ئاسۆ.


یارییه‌كان دوێنێ چوار شه‌ممه‌ ده‌ستیانپێكرد

چوارشه‌ممه‌ 7/ 4 گازی‌ باشور 3 X جه‌یش 1

چوارشه‌ممه‌ 7 / 4  به‌حری 3 X شوڕته‌ 0

یارییه‌كانی ئه‌مڕۆ پێنج شه‌ممه‌:
 
پێنج شه‌ممه‌ 8 /  4 جه‌یش X به‌حری 2 ی‌ پاش نیوه‌ڕۆ

پێنج شه‌ممه‌ 8 /  4 پێشمه‌رگه‌ X گازی‌ باشور 4 ی‌ عه‌سر

هه‌ینی 9 /  4 پشووی‌ یانه‌كانه‌
               

PUKmedia دانه‌ر ئه‌سڵان / به‌غدا