فەرمانی راگرتنی بەرنامەی سێ كەناڵی ئاسمانی دەركرا

.

بەهۆی بەلاڕیدابردنی کۆمەڵگاو بەکارهێنانی وشەی نەشیاو و زیان گەیاندن بە شیرازەی خێزان وەزارەتی رۆشنبیری سێ بەرنامەی کەناڵەکانی نێت تیڤی و کورد ماکس و کۆڕەک رادەگرێت.

لە نوسراوێکی وەزارەتی رۆشنبیریدا کەبەشی یاسایی وەزارەت دەریکردوەو کۆپیەکی دەست PUKmedia کەوتوە ، کە ئاڕاستەی هەر سێ کەناڵی ئاسمانی نێت تیڤی و کورد ماکس و کۆڕەک کراوە، بەهۆی بەلاڕیدا بردنی کۆمەڵگاو بەکارهێنانی وشەی نەشیاو و دور لە نەریتی کۆمەڵایەتی زیان گەیاندن بە شیرازەی خێزان بەرنامەکانی نێت گرام و نایت شۆو و شۆ مەگەزین رادەگیرێن.

بەپێی نوسراوەکە دەبێت بۆ ماوەی ١ هەفتە هەرسێ بەرنامەکە رادەگیرێت و دواتر پێداچونەوە بە ناوەرەڕۆکی بەرنامەکاندا بکرێت.

PUKmedia تایبەت