مەسرور بارزانی: چاوەڕێی عیراقین شایستەكانی ئەمساڵی هەرێم بنێرێت

.

 سەرۆك وەزیرانی هەرێم رایدەگەیەنێت، هەرێم ئامادەیە هەموو ئەركەكانی بۆ جێبەجێكردنی یاسای بودجە جێبەجێ بكات و هیوادارین عیراقیش پابەند بێت.

ئەمڕۆ 7-4-2021، مەسرور بارزانی سەرۆك وەزیرانی هەرێمی كوردستان دوای كۆبوونەوەی ئەنجوومەنی وەزیران لە كۆنگرەیەكی رۆژنامەوانیدا  رایگەیاند: حكومەتی هەرێمی كوردستان ئامادەیە هەموو ئەركەكانی سەر شانی بۆ جێبەجێكردنی یاسای بودجە جێبەجێ بكات و كاری لە پێشینەمان دابینكردنی مووچەی مووچە خۆرانە.

وتیشی: هەرێمی كوردستان پابەندە بە جێبەجێكردنی ئەو ئەركانەی دەكەوێتە سەر شانی، هیوادارین عیراقیش پابەند بێت و چاوەڕێین عیراق شایستەكانی ئەمساڵ بۆ هەرێم بنێرێت.

راشیگەیاند: تێپەڕاندنی بودجە دەستكەوتە بۆ هاووڵاتیانی هەرێم و عیراق و گرنگ جێبەجێ كردنی یاسای بودجەیە نەك تێپەڕاندنی.

سەرۆك وەزیرانی هەرێم وتیشی: داوامان لە وەزارەتە پەیوەندیدارەكان كردووە بۆ جێبەجێكردنی پابەند بوونەكان بە یاسای بودجە و وەفدی هەرێم ئامادەیە جارێكی دیكە سەردانی بەغدا بكاتەوە، هەرچەندە حكومەتی فیدراڵ بۆ مانگی 1 و 2 و 3 هیچ شتێكی بۆ هەرێم دابین نەكردووە.

هاوكات باسی لە مەترسییەكانی ڤایرۆسی كۆرۆنا كرد و رایگەیاند: داوای لە هاووڵاتیان دەكەم مەترسییەكان بە جدی وەربگرن و خۆیان بپارێزن و ڤاكسینی كۆرۆنا بەكاربهێنن، چونكە بەرگری لەشیان لەبەرامبەر ڤایرۆسەكە زیاد دەكات.

PUKmedia تایبەت