ئەمڕۆ چوار شەممە 7-4-2021، نرخی دۆلار بەشێوەیەكی خێرا بەرز بووەوە و  لە ئێستاشدا هەر 100 دۆلارێكی ئەمریكی لە بازاڕەكانی هەرێمی كوردستان بە 147هەزار و 500 دیناری عیراقی مامەڵەی پێوەدەكرێت.

لەوبارەیەوە شوان هادی خاوەنی نووسینگەی یۆرۆ لە بازاڕی دۆلارەكەی سلێمانی تایبەت بە PUKmedia ی راگەیاند: لە ئێستادا بەهای 100 دۆلاری ئەمریكی لە بازاڕەكانی هەرێمی كوردستان 147 هەزار و 500 دینارە و بەهای یۆرۆ 174 هەزار دینار و بەهای پاوەند 202 هەزار و 750 دینار و لیرەی توركی 18 هەزار و 500 دینار و تمەنی ئێرانی 6 هەزار دینارە.

نرخی دۆلار و دراوەكانی دیكە بەرامبەر بە دیناری عیراقی لە بەرزبوونەوەی خێرادایە، ئەمەش لە كاتێكدایە بەیانی ئەمڕۆ نرخی 100 دۆلاری ئەمریكی 147هەزار و 500 دینار و بەهای یۆرۆ 173 هەزار 500 دینار و بەهای پاوەند 202 هەزار و 500 دینار و لیرەی توركی 18 هەزار دینار بوو.

ماوەی چەند مانگێكە نرخی دراوەكان بەگشتی و دۆلار بە تایبەتی لە بازاڕەكانی عیراق و هەرێم جێگیر نییە و لە بەرزبوونەوەدایە، هۆكارەكەشی بۆ پڕكردنەوەی كۆرتهێنانی بودجەی ساڵی 2021 ی عیراق دەگەڕێنرێتەوە.

PUKmedia ژینەر محەمەد