ئامێدیێ.. بازارێ كرین و فروتنا گیایێ بهاری گەرم بویە

.

دگەل هاتنا وەرزێ بهارێ وشینبوونا گول وگیایێ بهاری ل چیاێن كوردستانێ، تایبەت ل هەیڤا ئادارێ ونیسانێ، بازارێ كرین وفروتنا گیای ل بازارێ ناوچەداریا شێلادزێ سەرب قەزا ئامێدیێ ڤە ، گەرم وگوری بخوڤە دیتیە ژبەركو دڤەرا ئامێدیێ دڤەرەكا جیایی یە چەندین جورێن گیای لێ شین دبن ، ودهێتە بازارێ شێلادزێ كرین وفروتن پێدهێتە كرن و، رژانە خەلكەك ل هەمی دەڤەرێن پارێزگەها دهوكئ قەستا ڤی بازارێ شێلادزێ دكەن بو كرینا گیایێ بهار .

گیا فروشەك ل بازارێ ناوچەداریا شێلادزێ  بناڤێ سەلمان عەلی بو PUKmedia گوت: كو دڤی وەرزی دا هەمی جورێن گیایێ بهاری دهێنە بازارێ شێلادزێ ، و ژهەمی دەڤەرێن سەرب پارێزگەها دهوكێ قەستا ڤی بازاری دكەن بو كرینا ڤان جورێن گیای هەروەسا گوت ل بازارێ مە هەمی جورێن گیای لێ هەنە ژوانا ( تولك ، لیش ، سوریاز ، كڤارك ، ترشوك ، ریڤاز ، كاری ، كەنگر ، سترك ، قیڤار )  وچەندین جورێن دی ێن گیای دهێنە ڤی بازاری ، بوینە ژیدەرێ ئابوری یێ ژمارەكا دكاندارێن ڤێ دەڤەرێ

هاولاتیەكێ ڤێ دەڤەرێ بناڤێ قادر حەمید ، بو PUKmedia گوت: ئەم سالانە قەستا ڤی بازاری دكەین بو كرینا گیایێ بهاری بو خارنێ و، هەروەسا هەلدگرین بو وەرزێ زڤستانێ ژی هشك دكەن ، ودكەینە بەفرگرتیان دا ول ڤی بازاری هەمی ئەو جورێن گیای لێ هەنە ێن ئەم بو خارنێ دكار دئینین و، هەروەسا ڤی هاوەلاتی گوت بو دەمی چەندین سالانە دڤەرێن مە كەتینە ل بەر هێرشێن فروكێن لەشكەرێ توركیا ئەم نەشێن قەستا چیا و  رەزو باغێن خو بكەن بو ئینا گیاێن سروشتی .

بسپورەكێ شارەزا دبیاڤێ گیاێن سورشتی وكارئینان گیای بو جارەسەریا نەخوشیان بناڤێ یوسف عەلی ، بو PUKmedia گوت: هەمی جورێن گیایێ كوردی ێن سروشتی بو ساخلەمیا مروڤان دباشن و گەلەك جورێن گیای دەڤەرێن مە ئەم دكار دئینین بو دروستكرنا دەرمانا ین سروشتی ، بوچارەسەریا نەخوشیان وب رەنگەكێ گشتی گیا بو ساخلەمیا مروڤی دباشن وچ زیانێن خونینن

ئابورناسەك ژی بناڤێ دلشاد كەریم بو PUKmedia دبێژێت: ل دەڤەرا مە دەلیڤێن كاری گەلەك دكێمن تایبەت بو تەخا گەنجان و ڤەلڤینا ڤی بازاری دڤان هەردوو هەیڤان دا جورە دەلیڤەكا كاری بو خەلكێ دەڤەرێ پەیدا دكەت هەر جەنە یا دەمكی یە ئانكو بو دمێ دوو هەیڤانە لێ دبیتە ژیدەرێ ئابوری یێ ژیانا روژانە بو چەند خێزانا

دهێتە زانین كو دەڤەرا ئامێدیێ زێدەتر ژ 500  گوندان ب سەرڤەنە ودەڤەرەكا چیاێ یە دنافبەرا زنجیرا چیایێ گارە ومەتینی دا ودەڤەرێن نیروە و رێكان ودەڤەرا زیبارێ و بەرێ گاری ونهیلێ هەمی جورێن گیای بهار لێ شین دبن.

PUKmedia بەیار ئامێدی