خاتوو گەلاوێژ: مام سەركەوتوانە جڵەوی وڵاتێكی وێرانەی گرتەدەست
ی.ن.ک 08:19 PM - 2021-04-06.
لە ساڵیادی بوونی سەرۆك مام جەلال بە سەرۆك كۆماری عیراق، خاتوو گەلاوێژ پەیامێكی بڵاوكردەوە و رایگەیاند، مام جەلال پیاوی رۆژی تەنگانەی كورد و پیاوی ئەركە زۆر قورس و زەحمەتەكانی عێراق بوو.
دەقی پەیامەكە:
مام، پیاوی رۆژی تەنگانەی كورد و پیاوی ئەركە زۆر قورس و زەحمەتەكانی عێراق
شازدە ساڵ لەمەوبەر و بۆ یەكەمجار لە مێژووی پڕ لە تێكۆشانی نەتەوەی كورد و لەمێژووی دوور و نزیكی عێراقدا، كوردێكی قاڵبووی شێوازەكانی خەباتی رێكخراوەیی و پێشمەرگایەتی و سیاسی و دیپلۆماسی، دەبێتە سەرۆك كۆمارێكی هەڵبژێردراوی وڵاتێكی پڕ لە ئاشووبی دوای جەنگی رزگاریی و رووخاندنی دیكتاتۆریەت، ئەویش جەنابی مام جەلال بوو.
مام جەلال، بە رەچاوكردنی ئەو پاشخانە زۆر دەوڵەمەندەی كە لە پەیوەندییە ناوخۆیی و دەرەكی و هەروەها دانایی و قورسایی خۆی وەك كەسایەتییەكی كاریزمی هەیبوو، سەركەوتوانە جڵەوی ئیدارەدانی وڵاتێكی وەرگرت كە جگەلەوەی وێرانەیەكی جێماوی "پرۆسەی ئازادیی" بوو لەهەمانكاتدا شەڕ و ململانێی تایەفی و ئیتنی و ...هتد هەموو پێكهاتەكانی لەیەكتر كردبووە دوژمن، ئا لەو رۆژگارەدا مام شانی بەشەوكەتی خۆیی دایە بەر باری گلاوی وڵات و بووە نوێنەرێكی راستەقینەی هەموو پێكهاتەكان.
مام، پیاوی رۆژی تەنگانەی كورد و كوردستان و پیاوی ئەركە زۆر قورس و زەحمەتەكانی عێراق و عێراقییەكان، رۆڵێكی ئەوەندە جوامێرانەی گێڕا كە تاهەتایە هەموو كورد و عێراقییەك شانازیی پێوە بكات. ئەوە مامی كوردان بوو كە بە لێوەشاوەیی سیاسی و پشوودرێژیی دیپلۆماسیی، توانی عێراقێكی هەلاهەلای جەنگە زۆر و زەوەندەكان بكاتەوە دەوڵەتێكی حساب بۆكراو و بیخاتەوە سەر رێچكەی گەڕانەوە بۆ كایە ئیقلیمی و جیهانی و نێودەوڵەتییەكان.
لەمڕۆژەدا، دەیان و بگرە سەدان وتەی گەورە لێپرسراوانی كورد و عێراق و ناوچەكە و جیهانمان بیردەكەوێتەوە كە چۆن ستایشی ماوەی سەرۆكایەتی مام جەلال دەكەن. بۆیە ئەگەر "پرۆسەی ئازادكردنی عێراق" خاڵێكی وەرچەرخانی مێژووی نوێی عێراق بێت، ئەوا بەدڵنییەوە ماوەی سەرۆكایەتی مام-یش، ماوەیەكی پرشنگداری مێژووی عێراقە.
لەم یادە بەشكۆیەدا هەر ئەوەندەمان بۆ دەكرێت دەستبەسنگ بۆ گەورەیی جەنابی مام بوەستین و بەچاوی پڕ ئەسرین و دڵی پڕ لەخەمەوە، سڵاوی گەرمی دەروونی پاكمان بۆ گیانی پاكی ئەو كەسایەتییە بنێرین كە لێوەشاوەیی خۆیی، وەك كوردێك، لە ئیدارەدانی رۆژە سەخت و دژوارەكانی وڵاتێكی خاپووری دوای جەنگەكاندا، بۆ دۆست و دوژمن سەلماند.
گەلاوێژ
PUKmedia
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
ئەمانەش ببینە
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
زۆرترین خوێنراو
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18