راپه‌ڕین.. سه‌ردانیكردنی ڕاگیراوان قه‌ده‌غه‌ ده‌كرێت

.

وته‌بیژی به‌ڕێوه‌به‌ڕایه‌تی پۆلیسی ڕاپه‌ڕین رایگه‌یاند: بۆ پابه‌ندبوون به‌ ڕێنمایه‌كانی ته‌ندروستی، سه‌ردانیكردنی ڕاگیراوان تا كاتێكی نادیار قه‌ده‌غه‌ ده‌كرێت.

موقده‌م شۆڕش ئیسماعیل وته‌بیژی به‌ڕێوه‌به‌ڕایه‌تی پۆلیسی ڕاپه‌ڕین به‌ PUKmedia ی راگه‌یاند: بۆ پابه‌ندبوون به‌ ڕێنمایه‌كانی ته‌ندروستی و به‌مه‌به‌ستی خۆپاراستن له‌ ڤایرۆسی كۆرۆنا، بڕیار دراوه‌، سه‌ردانیكردنی ڕاگیراوان له‌ گرتن و گواستنه‌وه‌ی ڕاپه‌ڕین تا كاتێكی نادیار قه‌ده‌غه‌ بكرێت.

راشیگه‌یاندووه‌، داوا له‌ هاووڵاتییان ده‌كه‌ین به‌هیچ شێوه‌یه‌ك سه‌ردانی گرتن و گواستنه‌وه‌ نه‌كه‌ن بۆ چاوپێكه‌وتن له‌گه‌ڵ ڕاگیراوان.

PUKmedia محه‌مه‌د ره‌سوڵ/ رانیه‌