ئه‌مڕۆ سێشه‌مه‌ 6-4-2021، له‌دیوانی وه‌زاره‌تی پلاندانان كۆبونه‌وه‌ی باڵای وه‌زاره‌ته‌كانی پلاندانان و دارایی به‌رێوه‌چوو.

له‌كۆبونه‌وه‌یه‌كدا بریكاری وه‌زاره‌تی پلاندانان و به‌رێوه‌به‌ری گشتی بودجه‌ له‌وه‌زاره‌تی داریی ئاماده‌بوون گفتوگۆ له‌باره‌ی دواین ئاماده‌كاریه‌كانی پرۆژه‌ یاسای بودجه‌ كرا به‌تایبه‌ت پاش په‌سندكردنی پرۆژه‌یاسای بودجه‌ی عیراق و رێككه‌وتنی نێوان هه‌رێم و به‌غدا.

دكتۆر دارا ڕه‌شید ڕایگه‌یاند: هه‌موو هه‌وڵێكی حكومه‌ت بۆ دابین كردنی موچه‌ و باش كردنی باروژیانی هاووڵاتیانه‌ و له‌ژێر ئه‌و رۆشنایه‌ ئاماده‌كاریه‌كانی بودجه‌ی هه‌رێم كاری له‌سه‌ر كراوه‌.

هه‌ر له‌كۆبونه‌وه‌كه‌ وه‌زیری پلاندانان داوای كرد په‌له‌بكرێت له‌خستنه‌ڕووی پێشنیار و تێبینیه‌كان بۆ ئه‌وه‌ی له‌كۆبوونه‌وه‌ی داهاتووی ئه‌نجومه‌نی وه‌زیران گفتوگۆی له‌سه‌ر بكرێت.

PUKmedia راگه‌یاندنی وه‌زاره‌تی پلاندانان