به‌بۆنه‌ی سه‌ركه‌وتنی (13)یه‌مین كۆنگره‌ی گشتی ئه‌نجومه‌نی باڵای ئیسلامی له‌عیراق، مه‌كته‌بی سیاسی یه‌كێتیی نیشتمانیی كوردستان، بروسكه‌یه‌كی پیرۆزبایی ئاڕاسته‌ی ئه‌و حزبه‌ كردووه‌، كه‌ ئه‌مه‌ ده‌قه‌كه‌یه‌تی:

به‌رێز / ئه‌نجومه‌نی باڵای ئیسلامی له‌ عیراق
بابه‌ت/ پیرۆزبایی
سڵاوێكی گه‌رم ...
به‌ناوی هاوسه‌رۆك ‌و مه‌كته‌بی سیاسی ‌و ئه‌نجومه‌نی سه‌ركردایه‌تی یه‌كێتیی نیشتمانیی كوردستان، پیرۆزبایه‌كی گه‌رمتان ئاراسته‌ ده‌كه‌ین، به‌بۆنه‌ی سه‌ركه‌وتنی (13)یه‌مین كۆنگره‌ی گشتی ئه‌نجومه‌نی باڵای ئیسلامی له‌عیراق و هه‌ڵبژاردنه‌وه‌ی سه‌ید شێخ هومام باقر حه‌مودی به‌سه‌رۆكی ئه‌نجومه‌ن.
هیوادارین سه‌ركه‌وتنی كۆنگره‌كه‌تان و هه‌ڵبژاردنی سه‌رۆك ‌و مه‌كته‌بی سیاسی ‌و سه‌ركردایه‌تی نوێ‌،  گۆڕ‌و تینی زیاتر ببه‌خشێت به‌ خه‌باتی ئه‌نجومه‌نه‌ تێكۆشه‌ره‌كه‌تان، بۆ به‌دیهێنانی ئامانجه‌كانی و خزمه‌تكردن به‌ گه‌لانی عیراق.
  یه‌كێتیی نیشتمانیی كوردستان، په‌یوه‌ندییه‌كی مێژووی دۆستانه‌ی له‌گه‌ڵ ئه‌نجومه‌نی باڵای ئیسلامی له‌ عیراق هه‌یه‌ و له‌ ساڵانی دوورو درێژی خه‌بات و له‌ وێستگه‌ جیاجیاكاندا، هاوسه‌نگه‌ر بووینه‌ دژی زوڵم ‌و سته‌می رژێمی به‌عس و له‌ بنیادنانه‌وه‌ی عیراقی نوێیشدا، له‌ زۆر پرسدا هاوهه‌ڵوێست بووینه‌. په‌رۆشی په‌ره‌پێدانی په‌یوه‌ندی دۆستانه‌ی نێوانمانین.

  جارێكی تر پیرۆزه‌و هیوای سه‌ركه‌وتنی به‌رده‌وامتان بۆ ده‌خوازین.

مه‌كته‌بی سیاسی
یه‌كێتیی نیشتمانیی كوردستان
2021-4-6

PUKmedia