لێپرسراوی مەكتەبی پەیوەندییەكان و كونسوڵی یۆنان چەند پرسێك تاوتووێ دەكەن

.

لەبارەگای مەكتەبی سیاسی لەشاری هەولێر د.سۆران جەمال تاهیر ئەندامی مەكتەبی سیاسی و لێپرسراوی مەكتەبی پەیوەندییەكان پێشوازی كرد لە ئیفوپیموس كۆستۆپۆڵۆس كونسوڵی گشتی كۆماری یۆنان لە هەرێمی كوردستان.

لەدیدارێكدا كە سەركەوت محەمەد غەفور لێپرسراوی بۆردی پەیوەندییەكانی دەرەوە ئامادەیی بوو بارودۆخی عیراق و هەرێمی كوردستان باسكراو تاووتوێی دۆخی سیاسی و ئەمنی و ئەو گۆڕانكارییانە كرا كە لەناوچەكەدا روودەدەن، هەروەها دووپاتكرایەوە كە چارەسەری سەرجەم كێشەكان بەتایبەتی كێشەكانی نێوان هەرێم و بەغداد تەنها بە دانوستان و گفتوگۆو دیالۆگ دەبێت، وەك چۆن بینرا دوای چەندین سەردانی هاوسەرۆكانی (ی.ن.ك) و تیمی دانوستانی حكومەت و چەندین گفتوگۆو كۆبوونەوە ئەنجامێكی باشی لێكەوتەوە.

پاشان هەردوولا جەختیانكردەوە لە پتەوكردنی پەیوەندییەكانی نێوان گەلی كوردو وڵاتی یۆنان لەرووی ئابوری و زانستی و كەلتوری كە خزمەت بەهەردوو گەلی دۆست بكات.

PUKmedia