خورماتوو..چلەی ماتەمینی مامۆستا بورهان بەڕێوەچوو

.

ئێوارەی ئەمڕۆ دوو شەممە ٢٠٢١/٤/٥ بە سەرپەرشتی مەڵبەندی ١٦ ی ڕێکخستنی حەمرینی یەکێتیی نیشتمانیی کوردستان و کۆمیتەی ٦ ی ڕێکخستنی فەرمانبەران و بە ئامادەبونی مەلا کەریم شکور ئەندامی سەرکردایەتی و لێپرسراوی مەڵبەندی حەمرین و حزب و لاینەکان و هاوڵاتیان و خانەوادەی کۆچکردو مەڕاسیمێکی ماتەمینی مامۆستا بورهان عەبدوڵڵا ئەنجامدرا.

سەرەتای مەڕاسیمەکە مەلا کەریم شکور ئەندامی سەرکردایەتی و لێپرسراوی مەڵبەندی حەمرین وتەیەکی پێشکەش کرد و تیادا ستایشی خەبات و خزمەتی مامۆستا بورهان کرد لە بواری پەروەردەدا لە ماوەی ڕابردودا.

دواتر چەند پەخشانە شیعرێک پێشکەش بە ئامادەبوان کرا و لە کۆتایشدا قەڵغانی ڕێزلێنانی مەڵبەندی ١٦ ی ڕێکخستنی حەمرین و کۆمیتەی ٦ ی ڕێکخستنی فەرمانبەران و قوتابخانەی ئامادەی هەڵکەوت پێشکەشی خانەوادەی کۆچکردو مامۆستا بورهان کرا وەک وەفایەک بۆ ماندوبونی و کارکردنی لە بواری پەروەردەدا و خزمەتکردنی قوتابیان لە ساڵانی ڕابردودا.

مامۆستا بورهان عەبدوڵڵا ئەحمەد لە ساڵی ١٩٧٠ لە دیێ گەرمک لە دایک بوە و لە ساڵی ١٩٩٠ لە کۆلێژی ڤێرتەنەری لە زانکۆی بەغدا وەرگیراوە و مامۆستای زمانی ئیگلیزی بوە و ١٥ ساڵ خزمەتی کردوە.

PUKmedia عەدالەت میعاد/ خورماتوو