riklam

پەرلەمانی عەرەب:پەیوەندییەكان كۆڵەكەی پشتیوانی سەقامگیری عیراقە

عیراق 05:06 PM - 2021-04-05
.

.

پەرلەمانی عەرەبی داوای لەعیراق كردووە پەیوەندییەكانی لەگەڵ وڵاتانی عەرەبی زیاتر چڕبكاتەوەو هەروەها ستایشی سەردانەكەی مستەفا  كازمی، سەرۆك وەزیرانی عیراقی فیدڕاڵی دەكات بۆ هەریەك لەوڵاتی سعودیەو ئیمارات.

عادل ئەلمەعسومی، سەرۆكی پەرلەمانی عەرەبی، لەڕاگەیەنراوێكدا كەئەمڕۆ دووشەممە 5ی نیسانی 2021 پەرلەمانی عەرەبی بڵاویكردۆتەوە رایگەیاندووە: سەرجەم ئەو لێكتێگەیشتن و رێككەوتننامانە بەرز دەنرخێنن كە لەمیانی ئەم سەردانانەدا بەدەستهاتوون و گوزارشت لەهەنگاوێكی نوێ‌ دەكات رووەو بەهێزكردنی كاری عەرەبی هاوبەش و پاراستنی ئەمنیی نیشتمانیی عەرەبی، جەختیش دەكاتەوە كە چڕكردنەوەی پەیوەندییەكانی عیراق لەگەڵ وڵاتانی عەرەبیدا دەبێتە كۆڵەكەی پشتیوانیكردن لەئاسایش وسەقامگیری عیراق، هەروەها ئەو سەردانانە لەكاتێكی  گرنگدا ئەنجام دەدرێت و پێویستە هاریكاری و هەماهەنگی عەرەبی لەسەرجەم ئاستەكان پەرەیان پێبدرێت، هەروەها پەرە بدرێت بە رووبەڕوبوونەوەی دەستوەردانە هەرێمایەتییەكان لەكاروباری ناوخۆی وڵاتە عەرەبییەكان.

ئەلعسومی داواشی لەسەرجەم وڵاتە عەرەبییەكان كردووە پەیوەندییەكانیان لەئاستی رەسمی و جەماوەریدا لەگەڵ عیراق لەسەرجەم ئاستەكاندا پەرە پێبدەن، بۆ پتەوكردنی پەیوەندییەكانی عیراق لەگەڵ وڵاتە عەرەبییەكان و پارێزگاریكردن لە سەقامگیری و ئاسایشی نیشتمانیی و نەتەوەیی.


PUKmedia بەدواداچوون

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket