ژنێك هه‌زاران دۆلار ده‌دزێت

.

مه‌فره‌زه‌كانی به‌شی پۆلیسی نه‌هێشتنی تاوانی سلێمانی تۆمه‌تبارێكیان ده‌ستگیركرد كه‌ 22 هه‌زار دۆلاری له‌ماڵێك دزیبوو .

رۆژی 23-3-2021، هاوڵاتییه‌ك سكاڵای تۆماركرد كه‌ دز چۆته‌ سه‌رماڵه‌كه‌ی و پاره‌ی لێبراوه‌، پۆلیسی سلێمانی لێكۆڵینه‌وه‌كانی ده‌ستپێكردوو دوای كه‌شف و هێڵكاری شوێنی روداوه‌كه‌ توانرا تۆمه‌تبار بناسرێته‌وه‌و زانرا كه‌ كه‌سێك پێشتر له‌و ماڵه‌ كاری كردووه‌و هه‌مان كه‌س ئه‌و پاره‌یه‌ی دزیوه‌ ، بۆیه‌ گه‌ڕان به‌دوای تۆمه‌تباردا ده‌ستیپێكرد و توانرا بدۆزرێته‌وه‌ ده‌ستگیربكرێت و ده‌ستیش بگیرێت به‌سه‌ر ئه‌و بڕه‌ پاره‌یه‌دا كه‌ دزیویه‌تی .

 له‌ئێستادا تۆمه‌تبار (ڕ ، گ) به‌بڕیاری داوه‌ر ڕاگیراوه‌و لێكۆڵینه‌وه‌ له‌گه‌ڵیدا به‌رده‌وامه‌ .

تۆمه‌تبار پێشتر له‌و ماڵه‌ كاریكردووه‌ له‌ڕۆژی 20-3-2021 كه‌ زانیویه‌تی ماڵی سكاڵاكار له‌ماڵ نین ئه‌م هه‌له‌ی قۆستۆته‌وه‌و دزی لێكردون.

PUKmedia به‌ڕێوه‌به‌رایه‌تی پۆلیسی پارێزگای سلێمانی - ڕاگه‌یاندن و په‌یوه‌ندییه‌كان