riklam

چه‌ند زانیارییەكی ورد له‌باره‌ی كوده‌تا شكستخواردووه‌كه‌ی ئوردن

جیهان 08:53 AM - 2021-04-04
.

.

حه‌مزه‌ بن حسێن شازاده‌ی پێشووی ئوردن و 20 كه‌سی دیكه‌ تێوه‌گلاون به‌ دانانی پلان بۆ كوده‌تا له‌دژی شا عه‌بدوڵڵای برای.

له‌ گرته‌یه‌كی ڤیدیۆییدا حه‌مزه‌ بن حسێن زڕبرای شا عه‌بدوڵڵا كه‌ تۆمه‌تباره‌ به‌ دانانی پیلان له‌دژی براكه‌ی ڕایگه‌یاندووه‌ له‌ لایه‌ن هێزه‌ ئه‌منییه‌كانه‌وه‌ له‌ ماڵه‌كه‌ی خۆیدا ده‌ستبه‌سه‌ره‌.

هاوكات سوپا و هێزه‌ ئه‌منییه‌كانی ئوردن ڕه‌تیده‌كه‌نه‌وه‌ كه‌ حه‌مزه‌ بن حسێن ده‌ستبه‌سه‌ر بێت، به‌ڵكوو ڕایانگه‌یاندووه‌ هه‌ندێك فه‌رمانی ئه‌منی هه‌یه‌ بۆ كۆمه‌ككردن به‌ ئاسایشی نیشتمانی وڵات.

له‌ گرته‌ ڤیدیۆییه‌كه‌دا حه‌مزه‌ بن حسێن سه‌ركرده‌كانی وڵاته‌كه‌ی به‌ گه‌نده‌ڵی و لێدان و ئازاردانی خه‌ڵك تۆمه‌تبار ده‌كات و ده‌ڵێت ئه‌وان شایسته‌ی ئه‌وه‌ نین كرده‌ بن و وڵات به‌ڕێوه‌ببه‌ن.

رۆژنامه‌ی واشنتۆن پۆست له‌وباره‌یه‌وه‌ بڵاویكردۆته‌وه‌ كه‌ ده‌وترێت هه‌وڵێك هه‌یه‌ بۆ لابردنی شا عه‌بدوڵڵا،  هه‌ر بۆیه‌ داوا له‌ حه‌مزه‌ بن حسێن كراوه‌ هه‌تا لێكۆڵینه‌وه‌كان ته‌واو نه‌بێت له‌ ماڵه‌كه‌ی خۆی نه‌یه‌ته‌ ده‌ره‌وه‌.

ئه‌مه‌ له‌كاتێكدایه‌ حه‌مزه‌ بن حسێن ڕایگه‌یاندووه‌ كه‌ هیچ كارێكی سه‌رپێچیانه‌ی نه‌كردووه‌ و به‌شێك نه‌بووه‌ له‌و پیلانگێڕییه‌.

هه‌ر له‌ گرته‌ ڤیدیۆیه‌كه‌دا حه‌مزه‌ بن حسێن ده‌ڵێت: من به‌رپرسی شكسته‌كانی حكومه‌ت نیم، گه‌نده‌ڵی و ناكارامه‌یی له‌ 25 ساڵی ڕابردوودا بۆته‌ هۆی ئه‌وه‌ی كه‌ ئه‌مڕۆ وڵات بكه‌وێته‌ ئه‌و دۆخه‌وه‌ و به‌رپرسیار نیم له‌وه‌ی كه‌ خه‌ڵك سه‌باره‌ت به‌ حكومه‌ت و داموده‌زگاكانی حكومه‌ت بێ متمانه‌ن.

ده‌شڵێت: كار گه‌یشتووه‌ به‌ ئاستێك كه‌ هیچ كه‌س ناوێرێت له‌ ترسان قسه‌ بكات یان ڕای خۆی ده‌رببڕێت ده‌ستبه‌جێ ده‌ستگیر ده‌كرێت و ده‌كه‌وێته‌ به‌ر ئازار و لێدان و ئه‌شكه‌نجه‌.

شایانی باسه‌ جگه‌ له‌ حه‌مزه‌ بن حسێن چه‌ند ئه‌ندامێكی بنه‌ماڵه‌ی شاهانه‌ ده‌ستگیر كراون.

PUKmedia و/ باشیلا جه‌عفه‌ر

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket