ئه‌ندازیارانی كه‌ركوك له‌سه‌ر مه‌زاری مام بوون

.

ئه‌مڕۆ 3/4/2021 فه‌همی بورهان ئه‌ندامی سه‌ركردایه‌تی ی. ن. ك پێشوازی كرد له‌ لقی كه‌ركوكی سه‌ندیكای ئه‌ندازیارانی كوردستان و عیراق، كه‌سه‌رجه‌م پێكهاته‌و نه‌ته‌وه‌جیاوازه‌كانی له‌خۆیی گرتبوو.

له‌ دیدارێكدا كه‌ لێپرسراوی ناوه‌ندی كه‌ركوكی مه‌كته‌بی رێكخراوه‌ دیموكراتییه‌كان ئاماده‌یبوو، لێپرسراوی بۆردی رێكخراوه‌ پیشه‌ییه‌كان وێڕای به‌خێرهێنانیان رایگه‌یاند، كه‌ركوك و كه‌ركوكیه‌كان له‌لای ی. ن. ك پێگه‌ی تایبه‌تی خۆیان هه‌یه‌و ئه‌م سه‌ردانه‌شتان ناوده‌نێیین میوانداریی دۆستانه‌، سه‌رۆك مام جه‌لال ڕۆحی شادبێت، هه‌موومانی وا جۆش كردووه‌، كه‌ بۆ كه‌ركوك درێغی نه‌كه‌ین و له‌خزمه‌تی كه‌ركوكیه‌كاندابین.

دواتر ئه‌ندازیارانی كه‌ركوك سوپاسی پێشوازی گه‌رمی فه‌همی بورهان یان كردو رایانگه‌یاند، ئێوه‌ هیچ كات كه‌مته‌رخه‌میان نه‌كردووه‌ به‌رامبه‌ر كه‌ركوكیه‌كان و ماوه‌ی رابردووی كاركردنمان له‌گه‌ڵتاندا ده‌رخه‌ری ئه‌و راستیه‌یه‌ كه‌ چه‌ند به‌ په‌رۆشن بۆ خزمه‌تی ئه‌و شاره‌و خه‌ڵكه‌كه‌ی به‌بێ جیاوازی نه‌ته‌وه‌یی.

دواتر ئه‌ندازیارانی كه‌ركوك سه‌ردانی مه‌زاری مام-یان كردو له‌وێشه‌وه‌ به‌هاری ناوچه‌كانی ده‌وروبه‌ری پایته‌ختی رۆشنبیرییان به‌سه‌ركرده‌وه‌.

PUKmedia تایبه‌ت