ریشۆڵە لەكوردستان بەرێژەیەكی زۆر كەمیكردوە
هەمەرەنگ 10:13 PM - 2021-04-01.
ئەگەرچی لەساڵانی رابردوو رێژەیەكی زۆر لە دەشت و دەرەكانی كوردستان و تەنانەت شارەكانیش ریشۆڵە و باڵندەی جۆراوجۆر دەبیندران و بەكۆمەڵ بەئاسمانەوە دەفڕین، كەچی ماوەی چەند ساڵێكە بوونی ریشۆڵە بەرێژكی زۆر كەمیكردوە، ئەمساڵیش بەشێوەیەك كەمبۆتەوە بۆتە جێگای پرسیار و سەرسوڕمانی خەڵكی شارو دێهاتەكان.
عەباس محەمەد كاسبكار لە بازاڕی پەلەوەر و باڵندە لە شاری هەلێر لەبارەی كەمبونەوەی رێژەی ریشۆڵە لە كوردستان بۆ PUKmedia وتی: راستە هاتنی ریشۆڵە بۆ كوردستان زۆر كەمیكردوە ئەمەش پێچەوانەی ساڵانی رابردووە كە بەرێژەیەكی زۆر روویان لە شاخ و دەشتەكانی كوردستان دەكرد، بەڵام ئەوەی لەوەرزی زستانی ئەمساڵ بینیمان سروشتەكەمان بەبێ ریشۆڵە دەركەوتن، ئەمەش تارادەیەك دیاردەیەكی سەیر نامۆیە.
ئەو كاسبكارە پەلەوەرە باسی لەوەشكرد: ئەوەی ئێمە بزانین هۆكاری كەمبونەوەی باڵندەی ریشۆڵە لە كوردستان بۆ ئەوە دەگەڕێتەوە كە لەلایەن راوچیەكانەوە بەشێكی زۆری راو دەكرێت و دەهێندرێتە بازاڕەكان دەفرۆشرێت، هەرچەندە راوكردنی باڵندە كێوی و كۆچەرەكان قەدەغە كراوە، بەڵام وەكو پێویست رێی لێناگیرێت.
هەر لەبارەی ئەو بابەتە عەبدولرەحمان رەسول كە ماوەی پازدەساڵە لە بازاڕی پەلەوەری هەولێر كاردەكات وتی: من پێموایە بەشێك لە هۆكاری نەمانی ریشۆڵە لە كوردستان بۆ نەبوونی خواردنی ئەو باڵندانە دەگەرێتەوە، چونكە سروشتی كوردستان گۆڕانكاری زۆری بەسەر داهاتووە و ساڵانە رێژەیەكی زۆری دەسوتێت، هەروەها رێژەی سەوزایی كەمبۆتەوە، ئەمەش وادەكات كە ریشۆڵە روو لە ناوچەكانی كوردستان نەكات بەڵكو بۆ شوێنێكی دیكە كۆچ دەكەن.
ئەو پێشیوابوو: كەمی رێژەی بارانبارین و ئاوەدان نەكردنەوەی گوند و دێهاتەكان هۆكارێكی دیكەن كە بەشێك لە باڵندەكان بتۆرێن لە نێویشیان ریشۆڵە، بەڵام بە گشتی هەندێكجار كۆچی باڵندەكان لەساڵێك بۆساڵێكی دیكە دەگۆڕێت و كەمدەبێتەوە، هەندێكجار زیاتر روو لەناوچەكی دیاریكراو دەكەن، بەتایبەتی ئەوان بە كۆمەڵ كۆچدەكەن وبەیەك ئاراستەی روو لە شوێنێك دەكەن.
هەردی خالید وەك شارەزایەكی بواری ژینگە لە بارەی كۆچی باڵندەكان و لەباری ژینگە بۆ PUKmedia وتی: ئەگەر لە دوورەوە سەیری شارەكان بكەیت، بەتایەتی شارێكی وەك هەولێر دەبین ئاسمانێكی تەڵخ و تۆزاوی دیارە، هۆكاری ئەمەش چاڵایەكانی رۆژانەی مرۆڤە، بێگومان ئەو جۆرە ژینگەیە لەبارە نیە بۆ باڵندەكان لە نێویشیان ریشۆڵە.
وتیشی: جگە لە خراپی ژینگە هاوكات زۆری بەفربارین لەناوچە شاخاوییەكان هۆكارێكی دیكەیە كە باڵندەكان خواردنیان دەست نەكەوێت، ئەمەش وادەكات كۆچ بۆ شوێنێكی دیكە بكەن، سەبارەت بە دەشتاییەكانیش دەبینین ئەمساڵ بارانبارین دواكەوت و گژوگیا درەنگتر شین بوو، ئەمەش كۆچی باڵندەكانی وەزری زستانی دواخست.
نازم قادریش وەك جوتیارێكی شارەزا لە شاری هەولێر دەڵێت: هاتنی ریشۆڵە جگە لەوەی دیمەنێكی جوان بەسروشتی كوردستان دەبەخشی، هاوكات سوودی بۆ زەوییەكانی كشتكاڵی هەیە، ئەویش كاتێك زۆربەی كرمەزیانبەخشەكانی زەوی دەبنە خۆراكی ریشۆڵە.
ئەو جوتیارە ئاماژەی بەوەشكرد: پێویستە لەسەر حكومەت بەرلەهاتنی وەرزی زستان رێنمایی پێویست بڵاوبكەنەوە بۆ راونەكدنی ریشۆڵە و باڵندەكانی دیكە، چونكە ئەوانە باڵنەدەی وەرزین و كۆچبەرن، ئەگەر هەوڵی راوكردنیان بدرێت دەتۆرێن و روو لە ناوچەیە ناكەنەوە.
PUKmedia هەولێر، تەها عەبدوڵڵا
هەواڵی زیاتر
-
قوباد تاڵەبانی: هەر رۆژەی بیرخەرەوەی تاوانێکە
01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
12:39 PM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
09:14 AM - 2024-04-24
ئەمانەش ببینە
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
03:28 PM - 2024-04-23
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
11:33 AM - 2024-04-23
زۆرترین خوێنراو
-
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24 -
پرسەنامەی قوباد تاڵەبانی بۆ خانەوادەی شێخ محەمەد عەزیز رەسوڵ
پرسەنامە 09:16 PM - 2024-04-23 -
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23 -
پرسەنامەی شاڵاو کۆسرەت رەسوڵ بۆ خانەوادەی مامۆستا جەمال هیدایەت
پرسەنامە 06:36 PM - 2024-04-23 -
خەڵاتی زێڕینی بلە بە 10 کەسایەتی نمونەیی بەخشرا
کوردستان 04:30 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
کوردستان 04:11 PM - 2024-04-23